Qazaqstanda aliment boiynsha qaryz ósip, balalardyń jaǵdaiy alańdatarlyq deńgeige jetti, dep habarlaidy Dalanews.kz.
«Boryshkerler óte kóp, qaryz kólemi ósip jatyr. Bul jai sóz emes. Sonyń saldarynan kóptegen balalar kiim-keshekke, mektepke qajetti quraldarǵa, tamaqqa der kezinde qol jetkize almai otyr. Qazir qylmystyq jaýapkershilik bar, shetelge shyǵýǵa tyiym salynady, shottar buǵattalady, biraq bul jetkiliksiz. Sondyqtan aliment qory qajet dep sanaimyn. Mundai qor Eýropa elderinde de, Amerikada da bar. Memleket arqyly balalarǵa qajetti kómekti ýaqytynda berip, keiin ol qarajatty boryshkerlerden óndirip alýǵa bolady. Memlekettiń múmkindigi áldeqaida keń», – dedi depýtat.
Ashat Aimaǵambetov sondai-aq qarajattyń maqsatty jumsalýy men bala quqyǵy máselesine de toqtaldy.
«Biz ana ne áke jaǵyn tańdamaýymyz kerek, eń bastysy – balanyń múddesi. Bala eki ata-anasynyń da mahabbaty men tárbiesin alýǵa quqyly. Ókinishke qarai, ajyrasý kezinde bala osy daýdyń ortasynda qalyp qoiady. Kóp jaǵdaida ákeler balasymen kezdese almaidy, týystarymen aralasa almaidy. Bul – er adamnyń emes, eń aldymen balanyń quqyǵynyń buzylýy», – dedi ol.
