Prezident Qasym-Jomart Toqaev Saýd Arabiiasynyń Qazaqstandaǵy elshisi Faisal Ál-Kahtanidi qabyldap, ekijaqty yntymaqtastyqty kúsheitýge daiyn ekenin málimdedi, dep habarlaidy Dala News.
Memleket basshysy Qazaqstannyń Saýd Arabiiasymen strategiialyq áriptestikti damytýǵa erekshe mán beretinin atap ótti. Sondai-aq ol Taq murageri Muhammed ben Salmannyń halyqaralyq deńgeidegi rólin joǵary baǵalap, ony Qazaqstanǵa memlekettik saparmen kelýge shaqyrdy.
Óz kezeginde elshi Faisal Ál-Kahtani eki el arasyndaǵy seriktestikti tereńdetýge qyzyǵýshylyq bar ekenin aitty. Onyń sózinshe, investitsiialardy qorǵaý týraly kelisim men Koordinatsiialyq keńes qurý ózara bailanysty nyǵaita túsedi.
Kezdesý barysynda taraptar aimaqtyq qaýipsizdik pen Taiaý Shyǵystaǵy ahýaldy da talqylady. Qazaqstan tarapy óńirdegi turaqtylyqty qamtamasyz etýge qoldaý kórsetýge daiyn ekenin jetkizdi.
