Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Jolaýshylar tasymaly salasynda tártip ornap, qyzmet kórsetý sapasy artqan

Dalanews
Jolaýshylar tasymaly salasynda tártip ornap, qyzmet kórsetý sapasy artqan
Taiaýda elimizdegi eń iri «Qazaqstan temir joly» Ulttyq kompaniiasy jolaýshy tasymaldaý salasyndaǵy jumysynyń sapasyn jetildirý maqsatynda jýrnalisterdi reviziialyq-baqylaý tobyna qatystyryp, jolǵa shyǵýǵa shaqyrdy. Jolaýshylar tasymaly salasyndaǵy jaǵdaidy baqylaýǵa Dalanews.kz aqparat agenttiginiń tilshisi de qatysyp, halyqqa qyzmet kórsetý sapasyn baqylaý múmkindigine ie boldy.

Iá, kópshilik qaýym tarapynan temirjoldaǵy jolaýshylar tasymaly salasyna ara-tura syn aitylyp qalatyny jasyryn emes. Ol qandai syn deisiz ǵoi? Sol baiaǵy jol júrý biletteriniń deldaldardyń qolyna túsip saýdalanýy, jolserikterdiń jolaýshylardy zańsyz tasymaldaýy syndy máseleler.

Ótken jyly «QTJ» UK» AQ-da jańartylǵan qyzmetkerler shtatymen jedel mobildik monitoringtik toby qurylǵan bolatyn. Sonyń nátijesinde, jyl boiyna biletsizder sany aitarlyqtai tómendedi. Osylaisha, jolaýshylardy biletsiz alyp júrýdiń aldyn alý jáne baqylaý jónindegi ishki revizorlyq qyzmetiniń jumys printsipteri ózgerdi. Olar «QTJ» UK» AQ aýmaqtyq bólimsheleriniń shtatynda bolyp kelgen edi. Negizinen, bul qyzmetkerler jergilikti jerlerde jyldar boiy jumys istegen jáne de tekseriletin nysandarmen, sonymen qatar ýákiletti memlekettik organdarmen bailanystar ornatqan. Qaita uiymdastyrýdan keiin shtat tolyq jańartylyp, «Jolaýshylar tasymaly» AQ quramynan shyǵaryldy jáne de kompaniianyń bas ofisine baǵynyshty etildi.  Nátijesinde – ishki baqylaý kúsheitilip, buzýshylyqtar faktileriniń qysqarýyna alyp keldi.

Jalpy, QTJ jolaýshylarǵa sapaly qyzmet kórsetý úshin elektrondy qyzmet kórsetýdi barynsha damytýǵa kúsh salýda. Biraq budan temirjol salasyndaǵy barmaq basty, kóz qysty jaittar túbegeili joiylyp ketti dep aitý qiyn.

Mine, jaqynda sol atqarylyp jatqan jumystardyń barysyn baqylaǵan BAQ ókilderimen birlesken arnaiy tekserý reidteri uiymdastyryldy. Sharany «Qazaqstan temir joly» aktsionerlik qoǵamynyń  revizor qyzmetiniń bas menedjerleri júrgizdi. Alǵashqy kúngi reid Almaty-Oral baǵytyndaǵy nomeri 51 poiyz sostavynda júzege asyryldy. Revizor qyzymetiniń bas menedjerleri Berik Sandybaev pen Asylhan Janatuly jolaýshylardyń kýpelerin ruqsat surap ashtyryp, jolaýshy biletterin, jolda júrý erejeleriniń oryndalý barysyn tekserdi. Tekserý bitken soń óz jumystarynyń  printsipterin BAQ ókilderine tanystyryp ótti.

– Tekserý kezinde aldymen jolaýshylardyń jol júrý biletteri men jeke kýálikterin qaraimyz. Kele jatqan jolaýshy bileti men qujatynyń sáikestigin tekseremiz. Sonan soń jeke júkterinen bólek tyiym salynǵan zattardyń bar nemese joq ekeni de baqylaýda ustaimyz. Mysaly júkterdiń salmaqtary «Talgo» poiyzynda 25 killogramnan aspaýy kerek. Al, jái poiyzdarda 35 killogramm júkke deiin tasymaldaýǵa bolady. Mundai shara barysynda bir jumys kúninde 4 poiyzǵa deiin tekserý júrgizemiz, – deidi revizor qyzymetiniń bas menedjerleri Berik Sandybaev.




Joldaǵy baqylaýdy uiymdastyrýshylar eshqandai poiyz basshylyǵyna eskertpegen. Quddy bir arnaiy operatsiia dersiz. Respýblikalyq deńgeide habar taratatyn birneshe aqparat quraldarynyń jýrnalisterinen quralǵan shaǵyn top «qupiia» jaǵdaida Nur-Sultannan Oralǵa jol tartqan №51/52 «Tulpar-Talgo» poiyzyna mindik.

Osy rette elimizdegi basty tasymaldaýshy QTJ kompaniiasynyń jýrnalisterdiń basyn qosyp, osyndai ashyqtyqqa barýyn jýrnalister qaýymy joǵary baǵalaǵanyn aita ketýimiz kerek. Elimizdegi kez kelgen kompaniia ishki jaǵdailarynda kezdesetin keleńsizdiktermen osylai kúresse, jaǵdaidyń aitarlyqtai túzeletini anyq.

Jýrnalister ornalasqan №51/52 «Tulpar-Talgo» poiyzy sý jańa eken. Ishi jyly. Burynǵy vagondarmen salystyrǵanda tarlaý. Eń bastysy, júrisi jaqsy eken. Eski vagondardyń qulaq tundyrar shiqyly múlde joq. Jolserik kórpe-jastyǵyn jetkizip berdi. Bári taza eken. Elimizde qurastyrylǵan vagonnyń ishi jinaqy. Gazet, kitap oqyǵyńyz kelse qabyrǵadaǵy jeke shamyńyzdy jaǵyp alyp, eshkimge kedergi jasamai oqýǵa bolady.

Nur-Sultan qalasyndaǵy jańa vokzalǵa jinalǵanymyzda QTJ-nyń inspektsiialyq jumystar boiynsha menedjerleri Berik Sandybaev pen Asylhan Ómirserik jolaýshylar poiyzynyń jumysyn baqylaityn top temirjol salasyndaǵy jolaýshy jáne júk tasymaldaý erejelerin basshylyqqa ala otyryp, jolaýshy tasymaldaýshy qyzmetkerlerdiń jumysyn baǵalaýy mańyzdy ekenin aitqan-dy. Budan basqa, jol boiynda kezdesetin jemqorlyq áreketterdi de qalt jibermei qadaǵalaý bizdiń topqa tapsyryldy. Óz kezeginde QTJ-nyń jolaýshylar tasymaly salasy boiynsha inspektsiialyq jumystarynyń bas menedjeri Asylahan Ómirserik:

– «Jolaýshylar tasymaly» AQ janynan qurylǵan jedel monitoringteý toby kún saiyn poiyzdarǵa tekserý júrgizedi. Aitalyq, kúnine bizdiń baqylaý qyzmeti elimiz boiynsha 30-40 poiyzdy baqylaimyz. Qarasha aiynda revizorlar 371 poiyzdy tekserip, biletsiz poiyzǵa mingen 5 adamdy jáne 1320 rásimdelmegen júkterdi anyqtady, – dep temirjol salasyndaǵy baqylaý jumystary jaiynda qysqasha áńgimelep berdi.

Jolaýshylarǵa sapaly qyzmet kórsetý úshin jarǵaq qulaqtary jastyqqa timei eńbek etip júrgen jigitter qazirgi tańda poiyzǵa biletsiz minetin jolaýshylardyń sany kúrt qysqarǵanyn alǵa tartty. Esesine, belgilengen mólsherden basy artyq júk alyp júretin jolýshylar kóbeigen. Ereje boiynsha jolaýshylardyń qol júgi 35 keliden aspaýy kerek eken. Al «Tulpar-Talgo» poiyzdaryna minetin jolaýshylardyń qol júgi 25 keliden aspaýy shart. Eger jolaýshylardyń júkteri shamadan tys kóp bolsa, aqysyn tólep, júk vagonyna salýy kerek. Ókinishke orai, bul talapqa jolaýshylar kóne qoimaityny belgili.

Elimizdiń Batys núktesi Oral qalasyna bet alǵan №51/52 «Tulpar-Talgo» poiyzy elordamyzdan uzap shyqqannan keiin jolserikke maqsatymyzdy aityp, poiyzdaǵy jaǵdaidy baqylaýǵa kiristik. Jolserik jolaýshylarǵa bizdiń jolaýshylar tasymaly salasyndaǵy hal-ahýaldy baqylaý úshin jolǵa shyqqan jýrnalister ekenimizdi aitqanda, jolaýshylardyń keibiri bizben tildesýden qashqaqtasa, endi biri emen-jarqyn áńgimesin aityp, suraqtarymyzǵa jaýap berdi. Bul rette jubaiymen úilerine qaityp bara jatqan Dáýlet Erjanov aǵamyz qazirgi jolaýshylar tasymaly salasyndaǵy jaǵdaiǵa qatysty pikir bildirdi.

– Mine, 30 jyldan beri jumys babymen keń baitaq elimizdiń túkpir-túkpirine sapar shekkenimde talai jaitqa kýá boldym. Qazir zeinet jasyndamyn. Jeke jumystarymyzben Nur-Sultanǵa baryp kele jatqan jaiymyz bar. Baiaǵydaǵy poiyzdarmen qazirgi poiyzdardy salystyrýǵa bolmaidy. Aralary jer men kóktei. Qazirgi vagondar jańa, jaily, jyly taza. Jolserikter de qyzdai syzylyp qyzmet kórsetedi. Nur-Sultannan jubaimyz ekeýmiz artynyp-tartynyp poiyzǵa mingende, jolserik bala júgirip kelip qoljúgimizdi kóterisip, ornymyzǵa ákelip berdi. Mundai elgezek balalardan ainalyp ketpeisiń be? – dep oraldyq Dáýlet aǵamyz poiyzdaǵy qazirgi jaǵdaiǵa kóńili tolatynyn aityp berdi.

Shubatylǵan poiyzdy aralap, birqatar jolaýshylarmen tildeskenimizde olardyń jolserikterge qatysty eshqandai ókpe-renishi joq ekenin bildik. Bári poiyz qyzmetkerleriniń qyzmetine riza. Baqylaý barysynda poiyzǵa biletsiz minip alǵan jolaýshylardy da kezdestirmedik.

Budan keiin №51/52 «Tulpar-Talgo» poiyzynyń bastyǵy Galymjan Álibekovti áńgimege tartyp, pandemiianyń jolaýshylar tasymaly salasyna qalai áser etkenin suradyq.

– Meniń jolaýshylar tasymaly salasynda jumys istep kele jatqanyma 27 jyl boldy. Mundaidy birinshi ret kórip otyrmyn. Buǵan deiin elimizdiń Batysyna sapar shekken poiyzda jolaýshylar tolyp otyratyn. Keide jolaýshylardyń kóptiginen qosymsha vagon tirkeýge májbúr bolatynbyz. Qazir pandemiiaǵa bailanysty ary-beri saparǵa shyqqan halyqtyń sany az. Tipti adamnyń azdyǵynan vagondy aǵytyp tastaǵan kezimiz boldy. Qazir birshama jaqsy. Jolserikter jolaýshylar tasymaly qaitadan jandana bastaǵanyn aityp máz bolyp júr, – deidi poiyz bastyǵy. Budan keiin «Jolaýshylar tasymaly» AQ-nyń Almaty qalasy boiynsha jolserigi  Sharhan Nurasyl esimdi jigit áńgimege aralasyp, kókeide júrgen oiyn ortaǵa saldy.

– Bizdiń jumysymyz vagondardy qabyldap alýdan bastalady. Árbir vagon taza, jolaýshylarǵa qajetti tósek-oryn men ózge de qajetti qurylǵylardyń daiyn bolýyna basa mán beremiz. Jalpy, jolserikter vagondaǵy sanitarlyq tazalyq isine airyqsha mán beredi. Pandemiia kezinde saqtyq sharalary odan saiyn kúsheie tústi. Poiyzǵa mingende jolaýshylardyń áleýmettik qashyqtyqty saqtaýyna, betperde taǵýyna basa mán beremiz. Eger jolaýshy maska taǵýdy umytyp ketken bolsa, oǵan meditsinalyq maskany ózimiz beremiz. Saqtyq sharalaryna bailanysty burynǵydai jolaýshylardy shyǵaryp salýshylardy ishke jibermeitin boldyq. Jolaýshylarymyz balaly áiel, qart adam nemese múmkindigi shekteýli adam bolsa, olardyń júkterin ózimiz kóterip, oryndaryna jaiǵastyramyz. Sonymen qatar jolaýshylardyń vagon-vagondy aralap, tanystaryn izdeýine de úzildi-kesildi tyiym salynǵan. Poiyzdaǵy meiramhanada da sanitarlyq normalar qatań saqtalýda. Sanitarlyq normalardy buzǵan jolaýshylarǵa birinshi kezekte aýyzsha eskertý jasaimyz. Eger aitqanǵa kónbese, poiyzdaǵy qoǵamdyq tártipti baqylaityn transporttyq politsiia qyzmetkerlerine júginemiz. Munyń bári jolaýshylardyń qaýipsizdigi úshin qolǵa alynǵan shara bolǵandyqtan, kópshilik tarapynan tártipke baǵynbaýshylyq bolǵan joq. Jurttyń bári qazirgi jaǵdaidy túsinedi, – dep jolserik jaǵdaidy baiandap berdi. Osylaisha, №51/52 «Tulpar-Talgo» poiyzyndaǵy alǵashqy baqylaý jumysy kezinde anaý aitqandai tártip buzýshylyqty baiqamadyq.

Bizdiń top Oralǵa jetkennen keiin №614 «Oral-Aqtóbe» poiyzyna aýysyp mindik. Poiyz bastyǵy Almas Myrzaǵulov vagondardyń bárine jolaýshylar ornalasqanyn alǵa tartty. Bul poiyzdy tekserý barysynda da bas jaryp, kóz shyǵaratyndai óreskel kemshilikterdi baiqai qoimadyq. Jolserikterden ózderin «Sizderge bastyqtaryn revizor qyzmetiniń bas menedjerleri jýrnalistermen birigip, poiyzdy tekseretini týraly eskertip qoimady ma?» degen suraǵymyzǵa da jaýap berdi.

– Joq, sizderdiń jol boiyn tekserip jolǵa shyqqandaryńyzdy bizge eshkim eskertken joq. Iá, jolaýshylar tasymaldaý salasyna qatysty túrli áńgimeler aitylatyny jasyryn emes. Biraq onyń bári ótkenniń enshisinde qalǵan dúnieler. Qazir jolaýshylar tasymaly salasyndaǵy tártiptiń saqtalýyna árbir poiyzdyń brigadasy múddeli. Eshqandai jolserik pandemiia kezinde ortaq erejege qaishy áreketke baryp, jumystan shyǵyp qalǵanyn qalamaidy. Jolserikter kásibine adaldyq tanytyp, ózine tapysyrylǵan jumysty joǵary deńgeide oryndasa, qosymsha syiaqy alatynyn biledi. Búginde pandemiiaǵa bailanysty QTJ jol júrý biletin halyqqa aitarlyqtai paiyzdyq jeńildikpen usynyp otyr. Mundai jaǵdaida jolaýshylar da poiyzǵa biletsiz minip, zań buzbaityny belgili. Osy rette «Jolaýshylar tasymaly» AQ «Úzdik brigada» baiqaýyn uiymdastyryp, halyqqa sapaly qyzmet kórsetken brigadany marapattaý isin qolǵa alyp otyr. Úzdik dep tanylǵan brigada qyzmetkerleri qosymsha syiaqyǵa ie bolady. Sol sebepti qazir barlyq poiyz qyzmetkerleri baiqaýda top jarý úshin óz qyzmetin sapaly atqaryp jatyr. «Úzdik brigada» baiqaýy jumysty sapaly atqarýǵa yntalandyryp otyrǵanyn aitqym keledi, – dep №614 «Oral-Aqtóbe» poiyzynyń jolserigi aǵynan jarylyp áńgimesin aitty.

Bir baiqaǵanymyz, pandemiia kezindegi saqtyq sharalary jolaýshylar tasymaly salasynyń úlken jaýapkershilik júktep, jumys sapasyn arttyrǵanyna kýá boldyq. Vagondardy aralaǵanymyzda «Jolaýshylar tasymaly» AQ qyzmetkerlerin qajetti zararsyzdanyrý zattarymen qamtamasyz etkenine kóz jetkizdik. Dárethanalar tap-taza.


«Jolaýshylar tasymaly» AQ-nyń barlyq jolserikteri jolaýshylardan koronavirýs anyqtalǵanda alǵashqy meditsinalyq kómek kórsetip, vagon ishin zalalsyzdandyrý jumystary boiynsha daiyndyqtan ótken eken. Osylaisha, jol boiyndaǵy jaǵdaidy baqylaǵanymyzda jolaýshylar tasymaly salasynda óreskel qatelikterdi kezdestirmedik. Poiyz qyzmetkerleri erejege sáikes halyqqa qyzmet kórsetip jatqanyna kózimiz jetip qaitty.

Nurlan QAZYǴULOV
dalanews.kz Qazaqstan temir joly Oral vokzal kompaniia Tulpar-Talgo Nur-Sultan QTJ Jolaýshylar tasymaly temir jol «QTJ» UK» AQ pandemiia Jolserikter Oral-Aqtóbe revizor Almas Myrzaǵulov Sharhan Nurasyl Dáýlet Erjanov Talgo vagon Berik Sandybaev killogramm fakti Madina Sádýaqasova

Oqi otyryńyz