Kompaniia Basqarma Tóraǵasy Saýat Myńbaev qyzmetkerlerdi Táýelsizdik kúnimen quttyqtap, aǵymdaǵy jyly kompaniianyń jetistikteri men qyzmetiniń nátijelerine toqtalyp, bolashaqtaǵy josparlarmen bólisti.
– Kóptegen synaqtar arqyly júrip ótken jolymyz barlyq salada qýatty áleýetke ie, táýelsiz memleketti qurýǵa múmkindik berdi. «Qazaqstan temir joly» Ulttyq kompaniiasy temirjolshylardyń kún saiynǵy aýyr jumysynyń arqasynda elimizdiń tranzittik jáne eksporttyq áleýetin júzege asyrýǵa, kólik-logistikalyq infraqurylymyn damytýǵa ólsheýsiz úles qosyp keledi, – dep atap kórsetti Saýat Myńbaev.
Sonymen, 11 aidyń qorytyndysy boiynsha kompaniia 286,6 mln tonnadan astam júk tasymaldady. Qazaqstan arqyly ótetin barlyq kóliktik dálizder boiynsha konteinerlik tasymal ósýde. 590 myńnan astam JFB konteinerli júk tasymaldansa, bul 2018 jyldyń sáikes kezeńi qorytyndysynan 26%-ǵa joǵary. Bul rette, tranzittik tasymal shamamen 15,5 mln tonnany qurady.
Saltanatty jiyn barysynda Saýat Myńbaev óndiris ozattaryna memlekettik jáne salalyq marapattardy tabys etti. Qazaqstannyń kólik-logistikalyq kesheniń damytýǵa qomaqty úles qosqany úshin 21 qyzmetker marapatqa ie boldy.
Jalpy barlyq temir jol boiynsha memlekettik jáne salalyq nagradalarǵa 600 astam temirjol qyzmetkeri ie boldy.
Sondai-aq «QTJ» UK» AQ basshysy «QTJ-nyń 100 jas tulǵasy» respýblikalyq saiysynyń jeńimpazdaryn quttyqtady, olardyń 13-i «Innovatsiia», 47-si – «Áleýmettik jaýapkershilik» jáne 40-y «Kásibilik» nominatsiialarynyń jeńimpazdary.
– Kompaniianyń 100 jas qyzmetkeri bolashaq basshylyq rezervine alyndy. Bul altyn jastar – kompaniianyń jarqyn bolashaǵy! Biz ary qarai da olardyń jasampazdyq áleýetin ashý, jas qyzmetkerlerdi innovatsiialyq qyzmetke tartý, kásibi ósýi úshin jaǵdai qurýǵa baǵyttalǵan jastar saiasaty baǵdarlamalaryn júzege asyrýǵa úlken kóńil bóletin bolamyz, – dedi Saýat Myńbaev.
Saltanatty jiyn sońynan temir jol eńbekkerleri «QTJ» UK» AQ óz qyzmetkerleriniń erik-jigerimen ázirlengen merekelik kontsertti tamashalady.
«Qazaqstan temir joly» UK» AQ baspasóz qyzmeti
