Memorandýmdy júzege asyrý úshin «Quqyqtaný» kafedrasy bir jyldyq jumys josparyn bekitip, uzaq merzimdi, tıimdi jáne ózara paıdaly yntymaqtastyqty damytýdy júzege asyrý úshin Almaty oblysy Jambyl aýdany Besmoınaq aýylyndaǵy Jangeldi atyndaǵy orta mektep pen Qaraarsha atyndaǵy bastaýysh mektebinen Instıtýt atynan ózderiniń «Quqyqtaný jáne Qazaqstan Tarıhy» oqý-ádistemelik aýdıtorıalaryn ashýdan bastady. Mektep basshysy men muǵalimderiniń usynysymen aýdıtorıaǵa Eńbek ardageri Núptıev Qamza Sarqytbaıulynyń esimi berildi.
Mektep muǵalimderi men joǵary oqý oryndary profesor-oqytýshy quramy arasynda quqyqtyq, tarıhı bilimderdi qalyptastyrýǵa baǵyttalǵan birlesken is-sharalardy júzege asyrý úshin Almaty oblysy Jambyl aýdany orta mektepteriniń muǵalimderine «Orta bilim berý mekemelerinde «Quqyq negizderi», «Kásipkerlik jáne Bıznes negizderi» jáne Tarıh pánderin qashyqtyqtan oqytýdyń erekshelikteri» atty 22 aqpan 2021 jylmen 3 naýryz 2021 jyly aralyǵynda biliktilikti kóterý onlaın semınar-trenıng ótkizildi.
Jospar boıynsha 22 aqpan 2021 jyly «Quqyqtaný» kafedrasynyń meńgerýshisi z.ǵ.d., profesor Bóribaev Ermek Ábiltaıuly «Mektep muǵalimderiniń qashyqtyqtan quqyqtyq bilim berýde kásibı sheberligin damytý máseleleri» taqyrybymen biliktilikti kóterý onlaın semınar-trenıngti ashyp, bir jarym aptaǵa sozylatyn kýrstyń baǵdarlamasymen jáne ony ótkizetin profesorlyq oqytýshylar quramymen tanystyryp ótti.
Biliktilikti kóterý semınar trenıńtiń basty maqsaty - mektep muǵalimderimen kásibı pedagogıkalyq jáne quqyqtyq baǵdar berý jumystaryn uıymdastyrýdy júzege asyrý jáne oqýshylarǵa oqýǵa túsýge daıyndyq kezinde aqparattyq, konsýltasıalyq jáne uıymdastyrýshylyq kómek kórsetý bolǵandyqtan, kýrs baǵdarlamalarynda «Qashyqtyqtan oqytý prosesinde jańa oqytý tehnologıalaryn qoldaný – oqýshynyń qabilettiligin arttyrýdyń negizi», «Mektepte «Kásipkerlik jáne Bıznes negizderi» pánin oqytýdyń ózekti máseleleri», «Memleket jáne Quqyq teorıasy- quqyq negizderiniń álippesi retinde onlaın sabaq berýdiń erekshelikteri», «Azamattyq quqyq jáne İs júrgizý negizderin oqytýda basty nazar aýdaratyn negizgi termınder», «Tarıhty oqytýdyń ınovasıalyq ádisteri (belsendi oqytý ádisteri)» atty taqyryptar boldy. Olardy Tarıh jáne Quqyq Instıtýty «Álem tarıhy» kafedrasynyń profesory, tarıh ǵylymdarynyń doktory Týlekova M.K., Tarıh jáne Quqyq Instıtýty «Quqyqtaný» kafedrasynyń qaýymdastyrylǵan profesory, E.ǵ.k., Almaty qalasy, Alataý aýdany, № 178 mamandandyrylǵan lıseıdiń dırektory Shadıev Q.H., «Quqyqtaný» kafedrasynyń dosenti Jazylbek L.I., «Quqyqtaný» kafedrasynyń qaýymdastyrylǵan profesory, z.ǵ.k. Kóshpenbetov B.M., qaýymdastyrylǵan profesor Meırbekova G.B., quqyq magıstri, aǵa oqytýshylar Belhojaeva D.J., Baısymaqova D.S., Qasymbek Á.O. syndy tájirıbeli mamandar ótkizdi.
Almaty oblysy Jambyl aýdany orta mektepteriniń muǵalimderine «Orta bilim berý mekemelerinde «Quqyq negizderi», «Kásipkerlik jáne Bıznes negizderi» jáne Tarıh pánderin qashyqtyqtan oqytýdyń erekshelikteri» atty
bir aptaǵa sozylǵan onlaın semınar-trenıngke Jambyl aýdany Besmoınaq aýylyndaǵy Jangeldi atyndaǵy orta mektep pen Qaraarsha atyndaǵy bastaýysh mektebinen, Suńqar aýylyndaǵy Suńqar mektebinen, Degeres aýylynyń orta mektepterinen muǵalimder, oqýshylar jáne ata-analar da qatysyp, bundaı úlken múmkindik berip otyrǵan Abaı atyndaǵy Qazaq Ulttyq Pedagogıkalyq Ýnıversıtetiniń Rektory Balyqbaev Tahır Ospanulyna, Tarıh jáne Quqyq Instıtýtynyń dırektory s.ǵ.d, profesor A.M.Djýnýsovke, jáne biliktilikti kóterý onlaın semınar-trenıngti uıymdastyrýshy «Quqyqtaný» kafedrasynyń músheleri men basshysy z.ǵ.d, profesor E.Á.Bóribaevqa erekshe alǵystaryn bildirdi.
Qorytyndy sóz alǵan kafedra meńgerýshisi E.Á. Bóribaev: «Mektep pen Joǵary oqý oryndary arasyndaǵy sabaqtastyqty damytý – naryqtyq qatynastar ornyǵa bastaǵan táýelsizdigimizdegi bilim mekemeleriniń aldyna oqýshylar men stýdentterge beriletin bilim men tárbıe sapasyn kóterý men jaqsartý mindetter qoıyp otyr. Bilim berý baǵdarlamalarynyń jańarýyn, oqý júıeleriniń jańa formatqa kóshýin saraptaı kelip, oqýshylardyń kásiptik baǵdaryn qalyptastyrýda Joǵary Oqý oryndary men mektep arasyndaǵy sabaqtastyqty ornatý búgingi kúnniń ózekti máselesi ekenin bárimiz bilemiz. Biz osy kezge deıin Joǵary Oqý orny men mekteptiń ózara árekettesýi negizinde pedagogıkalyq, gýmanıtarlyq mamandyqqa baǵyttaý máselesi áli de bolsa jetkilikti dárejede zertelmegenin jáne baılanys joq ekenin ańǵardyq. Sol sebepti osy oqý jylynyń basynda tuńǵysh ret Almaty obylysy Jambyl aýdany oqý bólimimen Memorandýmǵa otyryp, jyl boıy baılanysta bolýdy uıǵardyq. Mine búgin bir aptaǵa sozylǵan onlaın semınar trenıńimiz sonyń bir dáleli. Biz mundaı sharalardy basqa da mekteptermen jalǵastyratyn bolamyz. Bundaı ıgi sharalar bolashaq mamandar daıarlaý úshin orta bilim mekemelerine de bizge, Joǵary Oqý oryndaryna da tıimdi bolatynyn aıtpasa da túsinikti. Sondyqtan, búgingi Almaty oblysy Jambyl aýdany orta mektepteriniń muǵalimderine «Orta bilim berý mekemelerinde «Quqyq negizderi», «Kásipkerlik jáne Bıznes negizderi» jáne Tarıh pánderin qashyqtyqtan oqytýdyń erekshelikteri» atty bir jarym aptaǵa sozylǵan biliktilikti kóterý onlaın semınar-trenıngti jabyq dep jarıalaımyn. Sizdermen kelesi kezdeskenshe. Barshańyzǵa sáttilik tileımin!»- dedi.
