Partiianyń «Baqytty otbasy» jobasy aiasynda ótken merekelik jiynda tańnan keshke deiin Túrkistan qalasyn abattandyrýmen, tazalaýmen ainalysatyn «Túrkistan jaryq-tazalyq» JShS-niń 15 qyzmetkeri marapattaldy. «Nur Otan» partiiasynyń Túrkistan oblystyq filialy tóraǵasynyń birinshi orynbasary Beisen Tájibaev eńbekqor analardy merekesimen quttyqtady.
– 8 Naýryz – ardaqty analarymyzdyń, qaryndastarmyz ben jeńgelerimizdiń, qyzǵaldaqtai qyzdarymyzdyń shýaqty merekesi. Osy meiramǵa orai, Túrkistan qalasynyń gúldenýine shynaiy úlesin qosyp júrgen naǵyz eńbekqor, kópbalaly analarymyzdy arnaiy shaqyryp, marapattaýdy jón kórdik. Sizderdiń jańa Túrkistandy damytý baǵytyndaǵy eńbekterińiz eren.
Túrkistan oblysy bala týý sany boiynsha respýblikada kósh bastap tur. Búginde óńirimizde 98 myńnan astam kópbalaly otbasy bar. Byltyr «Birgemiz» qory arqyly partiianyń yqpalymen 38907 otbasyna bir rettik aqshalai kómek berildi. Olardyń basym bóligi – kóbalaly analar. «Nur Otan» partiiasy «Baqytty otbasy» jobasy aiasynda kópbalaly analardy qoldaýdy jalǵastyra beredi. Merekelerińiz qutty bolsyn! Sizderge jáne otbasylaryńyzǵa amandyq, zor densaýlyq tileimin!, – degen B.Dáýletuly kópbalaly analarǵa alǵys hat pen syi-siiapat tapsyrdy.
Tańǵy 7 bolmai jatyp jumysqa shyǵyp, keshke deiin qala kóshelerin, turǵyn úi aýlalaryn sypyryp-tazalaityn bul analar jumyspen qatar urpaq tárbiesimen de ainalysyp otyr. Qiyndyqqa moiymai, elge adal eńbek etip júrgen qala partriottary partiia basshylyǵyna rizashylyqtaryn bildirip, Túrkistanymyzdy, jalpy oblysty taza ustaýǵa, ekologiialyq saýatty bolýǵa shaqyrdy.
«Barsha qyz-kelinshekterdi kele jatqan merekemen quttyqtaimyz. Qalanyń, aýyldyń tazalyǵyna ár adam jaýapty ekenin bilýi tiis. Týǵan jerdi qadirleiik, kósheni taza ustaiyq. Elimiz aman, táýelsizdigimiz máńgilik bolsyn», – deidi túrkistandyq kópbalaly analar.
«Nur Otan» partiiasy Túrkistan oblystyq filialynyń baspasóz qyzmeti
