Almaty qalasynda avtobýs apattarynyń sany artyp keledi, dep habarlaıdy Dalanews.kz.
Ákimshilik polısıa basqarmasynyń bastyǵy Ashat Qulbaevtyń málimetinshe, jyl basynan beri megapolıste qoǵamdyq kólik qatysqan 460-tan astam jol-kólik oqıǵasy tirkelip, olardyń saldarynan 600-den astam adam zardap shekken. Reıdtik is-sharalar barysynda polıseıler avtobýstar júrgizýshileri tarapynan eki myńnan astam jol júrý erejesin buzý faktisin anyqtaǵan.
Onyń aıtýynsha, avtopark basshylary júrgizýshilermen ár kún saıyn jolǵa shyǵar aldynda nusqaýlyq jumystaryn ótkizip, sondaı-aq, avtobýstardyń tehnıkalyq jaǵdaıyn qatań baqylaýda ustaýy tıis. Ásirese, qys maýsymy kezinde qaýipsizdikti barynsha qatańdatý qajet.
