Qazaqstan AQSh-tyń Joby Aero kompaniiasymen jalpy quny 300 million dollar bolatyn eVTOL elektrli áýe kólikterin satyp alý týraly memorandýmǵa qol qoidy. Bul týraly Jasandy intellekt jáne tsifrlyq damý ministrligi málimdedi, dep habarlaidy Dalanews.kz.
Tik ushyp-qona alatyn bul ushý apparattary qalalyq áýe mobildigi jobasynyń bir bóligine ainalmaq. Almaty men Alataý qalalarynyń kólik júiesine aerotaksi qyzmetin engizý jáne synaq alańyn qurý josparlanyp otyr.
Ministr Jaslan Madievtiń aitýynsha, bul bastama “aqyldy qalalar” tujyrymdamasyn damytý jolyndaǵy mańyzdy qadam.
Aita keteiik, buǵan deiin Qazaqstan basshysy Toqaev AQSh prezidenti Tramppen 17 milliard dollarǵa kelissóz júrgizgenin habarlaǵan edik.
Aq úidegi kezdesýde Memleket basshysy Vashingtonǵa saparmen kelýge shaqyrǵany jáne qazaqstandyq delegatsiiaǵa kórsetken qonaqjai kóńili úshin AQSh Prezidentine rizashylyq bildirdi.
Qasym-Jomart Toqaev Donald Tramptyń prezidenttik laýazymynyń tarihi sipatyna toqtalyp, onyń basshylyǵymen AQSh álemniń jetekshi ekonomikalyq, saiasi jáne tehnologiialyq derjavasy retindegi pozitsiiasyn kúsheitip kele jatqanyn atap ótti.
Qazaqstan Prezidentiniń aitýynsha, Amerika kóshbasshysy jer júziniń qaýipsizdigin, turaqtylyǵy men órkendeýin qamtamasyz etýde sheshýshi ról atqarady.
Memleket basshysy Qazaqstan AQSh Prezidentiniń bitimgerlik bastamalaryn tolyq qoldaitynyn jetkizdi. Sonyń ishinde keleshekte Orta dálizdi odan ári damytýǵa yqpal etetin «Tramptyń halyqaralyq beibitshilik jáne órkendeý jolyna» (TRIPP) erekshe nazar aýdardy.
Donald Tramp AQSh-tyń Qazaqstanmen kópjosparly keńeitilgen strategiialyq seriktestikti damytýǵa nietti ekenin rastady.
Sapar aiasynda Qazaqstan men Qurama Shtattary arasynda jalpy somasy 17 milliard dollardan asatyn kommertsiialyq kelisimderge qol qoiyldy.
