Jetisýda indet juqtyrǵandar jaiynda aqparat berildi
Qazirgi kezde naýqastyń jaǵdaiy bir qalypty. Onyń tarapynan densaýlyǵyna qatysty eshqandai shaǵym joq deidi jaýapty mamandar. Aldaǵy kúnderi qaita synama alynbaq. Eger zertteý nátijesi virýstyń joq ekenin dáleldese onda naýqas aýrýhanadan shyǵarylatyn bolady.
Kezekti márte keseldiń aýmaǵymyzda asyr salýy 20 naýryzda tirkelgen edi. Dál osy kúni oblys boiynsha infektsiia juqtyrǵan úsh azamat anyqtalǵan. Úsheýide Nur-Sultan qalasyna kelgen áýe kemesinde bolǵan. Olar Ile aýdanyndaǵy provizorlyq bólimine jatqyzylyp, keiinnen taldaý jasalǵan.
Epidemiiany juqtyrǵandardyń biri 1957 jylǵy áiel adam. Almaty oblystyq densaýlyq saqtaý basqarmasynyń basshysy Baýyrjan Erbozymulynyń aitýynsha, jaǵdaiy jaqsy, em sharalarynyń bári tolyǵymen oryndalyp jatyr. Kelesi keseldiń kesapatyn tartqan jan 1995 jyly týylǵan aiaǵy aýyr kelinshek, júkitlik merzimi 20-21 apta shamasynda eken. Ol 1991 jylǵy joldasymen birge 25 naýryz kúni Niý-Iork qalasynan Resei arqyly elge oralǵan.
Ekeýide alǵashqy da úi karantinine jabylǵan. Keiin er adam qurǵaq jótel paida bolýyna bailanysty meditsina mamandaryna shaǵymyn jetkizgen. Sol úshin ony provizorlyq bólimge jatqyzǵan. Bir otbasy bolǵandyqtan ekeýide barlyq tekseristen ótkennen soń er adamnan virýs tabylmaǵan.
Koronavirýs kelesi kezekte Jambyl aýdanynyń turǵyny 1997 jylǵy qyz balany qaqpanyna túsirgen. Arýymyz Ońtústik Koreiadan kelgen. Elge oralǵannan keiin oǵan saraptama jasaǵan, taldaý nátijeleri ókinishke orai virýstiń bar ekenin kórsetken.
Qazir naýqas infektsiialyq aýrýhanada sáikesinshe em qabyldap jatyr. Osymen indet el ishin kezgenin doǵarar dep oilaǵanda 29 naýryz da Qarasai jáne Eńbekshiqazaq aýdandarynda epidemiia etegine jarmasqan eki adam anyqtaldy.
Biri 1979 jylǵy Qarasai aýdanynyń turǵyny. Joldasy Sank-Peterbýrgtan oralǵan. Alǵashqyda tutas otbasyn karantinge japqan. Keiin januia múshelerinniń birinen dene qyzýy kóterilýine bailanysty jedel-járdem qyzmetiniń mamandaryna qońyraý túsken. Tártip boiynsha naýqasty oqshaýlap, otbasy múshelerinen virýsty anyqtaý maqsatynda synama alynǵan. Saraptama qorytyndysy áiel adamnyń boiynda aty jaman aýrýdyń bar ekenin rastaǵan. Al, áke men bala keselden din aman bolyp shyqqan.
Taǵy da tirkelgen jaǵdai toi toilaýdyń kesirinen bolyp otyr. Naýqas Ózbekstan Respýblikasyna qonaqqa barǵan. Kórshiles memleketke barǵandar sany 14 adamdy quraǵan. Olardyń Almaty oblysyna bet alǵandyǵy týraly Túrkistan oblysynyń jaýapty mekemeleri arqyly bilgen. Óńirge kelgen barlyq 14 adamnan taldaý alynǵan. Nátije boiynsha olardyń ishinde bireýiniń virýs juqtyrǵany málim boldy.
Sońǵy tirkelgen naýqas 1952 jyly ómirge kelgen Jambyl aýdanynyń turǵyny. Belgili bolǵandai ol 17 naýryzda Almaty qalasyndaǵy jeke emhanada emdelgen.
Aýdanǵa oralǵannan soń jaǵdaiynyń nasharlaýyna bailanysty jergilikti meditsinalyq mekemege qaralǵan. Erejege sáikes, densaýlyǵyna shaǵymdanǵan jandy oqshaýlap, teksergen. Ókinishtisi sol nátije oń kórsetkishti kórsetken. Barsha virýs anyqtalǵan adamdarmen bailanys ornatqan jandarda tekseristen ótkizilgen. Baqyttaryna qarai olardyń aǵzalarynan indettiń izi tabylmaǵan.
Taǵy da oblysta bir adamnyń dert juqtyrǵany anyqtaldy. Oǵan qatysty málimetter tekserilý ústinde. Aldaǵy ýaqytta qosymsha habarlaityn bolamyz.
Anar SABYROVA, Almaty oblysy
