Nur-Sultanda koronavirýs infektsiiasynan bir adam kóz jumdy. Qazaqstan boiynsha jańa virýs túrinen eki adam qaitys boldy, dep habarlaidy QR Densaýlyq saqtaý ministrliginiń telegram-arnasy.
"31 naýryzda Nur-Sultanda bir kisi ólim tirkeldi: 50 jastaǵy naýqas jedel járdem tobymen 2020 jyldyń 21 naýryzynda aýrýhanaǵa tústi.
Ol bir ai boiy aýyryp, meditsinalyq kómekke júginbegen.
Jumysy jii issaparlarmen bailanysty. Marqumnyń týys-týǵandary, jumystaǵy áriptesteri barlyǵy 31 adam aýrýhanaǵa jatqyzyldy. Keiin otbasy músheleriniń arasynda 2 adamnan koronavirýs anyqtaldy. Marqummen bailanysta bolýy múmkin degen kúdikpen taǵy 51 adam karantinge alyndy" dep habarlaidy coronavirus2020.kz telegram-arnasy.
31 naýryz kúni saǵat 09.40 ýaqytyndaǵy epidemiologiialyq jaǵdaiǵa sáikes, Qazaqstanda koronavirýs juqtyrǵandar sany 325-ke jetti.
Koronavirýs juqtyrýdyń taǵy 17 jaǵdaiy tirkeldi: Nur - Sultan -2, Almatyda - 9, Qyzylorda oblysynda - 3, Atyraý oblysynda - 1, Aqtóbe oblysynda - 1, Soltústik Qazaqstan oblysynda - 1 jaǵdai.
Búgingi tańda elimizde koronavirýstyń 325 jaǵdaiy rastaldy, onyń ishinde:
Nur Sultan - 175,
Almaty - 82,
Qaraǵandy oblysy - 13,
Atyraý oblysy - 13,
Aqmola oblysy - 10,
Jambyl oblysy - 3,
Shymkent - 2,
Shyǵys Qazaqstan oblysy - 2,
Almaty oblysy - 8,
Aqtóbe oblysy - 3,
Soltústik Qazaqstan oblysy - 2,
Pavlodar oblysy - 1,
Mańǵystaý oblysy - 1,
Qyzylorda oblysy - 8,
Batys Qazaqstan oblysy - 2 jaǵdai.
Elimizde 31 naýryzda saǵat 0:10 ýaqytynda 308 koronavirýs infektsiiasy tirkelgen edi. Onyń ishinde 21 adam saýyǵyp, bireýi qaitys boldy.
