Budan ári aýdan, qala ákimderi, politsiia departamenti jáne ózgede qyzmetter óńirde sondai-aq, ishinde Shyǵys Qazaqstan jáne Jambyl oblystarymen shekaralas jerlerde qosymsha sanitarlyq beketterdi ornalastyrýy tiis. Karantin ýaqyty aiaqtalǵansha Almaty oblysynyń aýmaǵy boiynsha, onyń ishinde Almaty qalasynyń karantindik aimaǵynan, Shyǵys Qazaqstan jáne Jambyl oblystarymen shekarada jeke kólik quraldarynyń jáne adamdardyń qozǵalysyn shekteýge quzyrly.
Qaýlyǵa sáikes, saýda úileriniń, biznes-ortalyqtardyń, internet jáne kompiýterlik klýbtardyń, oiyn-saýyq mekemeleriniń, bazarlardyń, jármeńkelerdiń, kóshe saýdasynyń jumysyna tyiym salynyp, menshik túrine qaramastan balabaqshalar qyzmetin toqtatýǵa, politsiia postyn ornatýmen halyq kóp jinalatyn oryndarǵa (saiabaqtar, jaǵalaý, sport alańdary, oiyn alańdary) barýǵa shekteý qoiatyn bolady. Bul qatarda dini nysandar da bar.
Eldegi ahýalǵa bailanysty oblysta azyq-túlik dúkenderi men dárihanalardyń jumys ýaqyty 8-00-den 20-00-ge deiin bolady. Ekinshi deńgeili bankteri, pochta bailanysy, jeke notariýstardyń qyzmet kórsetý beldeýi saǵat 10-00-den 16-00- aralyǵynda bolady.
Qaýly da qarttarǵa da kóńil bólingen. Onda 65 jastan asqan azamattardyń kóshede júrýine shekteý qoiylyp, tamaqpen jáne dári-dármektermen jetkizý qyzmeti arqyly qamtamasyz etý qarastyrylǵan.
Saqtyq sharalaryn saqtaýdy aldyńǵy orynǵa qoiǵan biiktegiler budan bylai turǵyndardyń qoǵamdyq ortada júrýine, úige qonaq shaqyryp, otbasylyq merekelerdi toilaýǵa shekteý engizgen. Jáne basty talap qoǵamdyq oryndarda betperdesiz júrýge bolmaidy.
Basty qujatta Almaty oblysynyń densaýlyq saqtaý basqarmasynyń basshysy Baýyrjan Erbozymulyna da jaýapkershilik júktelgen.
Endigi de meditsina qyzmetkerleriniń patsienttermen jáne koronavirýstyq infektsiiasyn juqtyrdy degen kúdikke ilingen azamattarmen qaýipsiz bailanys ornatýy kerek. Jáne de meditsinalyq qyzmetkerlerdiń densaýlyǵyn saqtaý jáne halyqpen bailanystyń aldyn alý maqsatynda, qyzmetkerlerdi kúndelikti dezinfektsiialaýmen arnaiy kóliktermen tasymaldaý uiymdastyrylady.
Qaýly da shaǵyn jáne orta biznes sýbektileri, óndiristik kásiporyndar (qyzmet kórsetý stantsiialary, mashina jýý, sulýlyq salony jáne t.b.), tamaq ónimderin, dári-dármekterdi, jeke qorǵanys quraldaryn, dezinfektsiialyq zattardy óndiretin kásiporyndardy qospaǵanda, qashyqtyqtan jumys rejimin qamtamasyz etýi de nazardan tys qalmady.
Eskertetin jait osy jáne ózgede talaptardy oryndamaǵan nemese buzǵan jaǵdaida Politsiia departamenti jáne aýdandyq, qalalyq taýarlar men qyzmetterdiń sapasyn baqylaý bólimi Qazaqstan Respýblikasynyń tótenshe jaǵdai týraly zańnamasyna sáikes jedel sharalar qabyldaýǵa quqyly.
Atalǵan qaýly 2020 jylǵy 31 naýryzdan 1 sáýirge deiin 00.00-de kúshine enedi.
Anar SABYROVA, Almaty oblysy
