Jetisai men Maqtaaral aýdandary logistikalyq ortalyqty birlesip paidalanýda
– Biz indýstriialyq aimaǵymyzda 4 jobany bastaǵan bolatynbyz. 12 jobaǵa jetkizemiz degen maqsat bolǵan. Alaida, ol jobalardyń barlyǵy aýdan bólingennen keiin Maqtaaral aýdanynyń úlesine berildi. Odan keiin, aýdan bólinbei turyp Maqtaaralǵa kire beriste 12 gektar jerge indýstriialyq aimaq ashqanbyz.
Buryn bizde qaýyn-qarbyzdy, kókónisti ótkizý degen úlken problema bolatyn. Saryaǵashqa aparyp, sol jerde saqtap, satatynbyz. Indýstriialyq aimaqty ashqan soń birinshi kezekte diqandar ónimin alysqa aparyp satpai-aq, osy jerde saqtap, satsyn dep logistikalyq ortalyq qurdyq. Ózbekstannan, Reseiden, ózimizdiń kásipkerlerdi de shaqyryp, uiymdastyryp, sol jerde diqandar ónimderin sata bastady. Ol jerge syiymdylyǵy 3,5 myń tonnalyq eki qoima, qonaqúi salynatyn bolady. Onyń jobasy da, qarjysy da sheshilgen. Bul logistikalyq ortalyq Maqtaaral aýdanynyń territoriiaysynda bolǵanymen, eki aýdannyń diqandary ortaq paidalana beredi. Aýdan bólingenimen, bizdiń kóp nársemiz ortaq. Keshegi ótken «Qaýyn-fest-te» de «sen bólinip kettiń» dep, bir-birimizdiń kókiregimizden iterip tastaǵan joqpyz, ony da birlesip ótkizdik.
Degenmen, álginde aityp ketkenimdei, qaýyn-qarbyzdy qaldyqsyz óńdep, ónim shyǵaratyn tsehtar, zaýyttar ashý úshin indýstriialyq aimaq qursaq degen oidamyz. Bizdiń de biýdjetke salyq túsimi kerek. Aýdan halqyn jumyspen qamtý kerek degendei. Bylaisha aitqanda, logistikalyq ortalyq ortaq bolady, al indýstriialyq aimaqty qosymsha ashamyz. Qazir osy joba boiynsha jer qarastyrylyp jatyr. Bizde bos jer tabý problema. Bir sharshy metrdiń de iesi bar, – deidi aýdan ákimi Jamantai Qanaiuly.
Dalanews.kz
