Basqosý barysynda Baqtiiar Kamalov elimizdegi, sonymen qatar Qytai, Japoniiadaǵy sybailas jemqorlyqtyń shyǵý sebepterin jáne olarǵa qarsy kúres joldary jaiynda keńinen áńgimelep berdi. Onyń aitýynsha, otanyn shyn súigen adam ǵana sybailas jemqorlyqqa barmaidy. Óitkeni, jemqorlyq – otanǵa opasyzdyq jasaǵanmen birdei.
– Jastardyń boiyna otanǵa degen mahabbat sezimin uialatý, sonymen qatar óz ortasyn qurmet tutýǵa, tabiǵatty aialaýǵa, bilimdilikke, adaldyqqa baýlaý – jemqorlyqqa qarsy mádeniet qalyptastyrady. Bul jerde árbir ata-ana, árbir oqytýshy jastarǵa birinshi kezekte ózi úlgi bolýy tiis. Iaǵni, árkim birinshi ózinen bastaǵany jón, – dedi ol.
Elimiz Táýelsizdik alǵan kúnnen bastap sybailas jemqorlyqpen kúres memleketimiz saiasatynyń basymdy baǵytyna ainalǵany belgili. Qazaqstan TMD elderiniń ishinde eń alǵashqylar qatarynda «Sybailas jemqorlyqqa qarsy kúres týraly» jáne «Memlekettik qyzmet týraly» zańdardy qabyldap, korrýptsiiamen kúresetin arnaiy memlekettik organ quryp, jemqorlyqqa qarsy zańnamanyń jetildirdi. Budan keiin Baqtiiar Kamalov Elbasynyń Jarlyǵymen ótken jyl sońynda qabyldanǵan «2015-2025 jyldarǵa arnalǵan sybailas jemqorlyqqa qarsy strategiia», onyń negizgi baǵyttary, sybailas jemqorlyqtyń alǵysharttary, ony týdyratyn sebeptermen kúresýge arnalǵan keshendi sharalar týraly jinalǵan qaýymǵa áńgimelep berdi.
Sybailas jemqorlyq qoǵamnyń memleketke degen senimine selkeý túsiredi, eldiń áleýmettik-ekonomikalyq jáne rýhani órleýine aitarlyqtai kedergi keltirip, memlekettik biliktiń tiimdiligin tómendetetini belgili.
«Qazaqstan – 2050» Strategiiasynyń mańyzdy mindetterin iske asyrý barysynda jáne Qazaqstannyń 30 damyǵan el qataryna kirý maqsatynda elimizdegi sybailas jemqorlyqqa qarsy árekettiń tiimdiligin arttyrýymyz kerek. Sybailas jemqorlyq qoǵamnyń memleketke degen senimine selkeý túsiredi, eldiń áleýmettik-ekonomikalyq jáne rýhani órleýine aitarlyqtai kedergi keltirip, memlekettik biliktiń tiimdiligin tómendetetini belgili.
Jastar saiasaty jónindegi Basqarmanyń JOO-men jáne jastar uiymdarymen jumys bóliminiń basshysy Merýert Tileýbekova sybailas jemqorlyqqa qarsy áreket etý tek memlekettiń ǵana emes, qoǵammen ár azamat jaýapkershiliginde ekendigin, memleket pen qoǵamnyń birtutastyǵy men jemqorlyqqa qarsy tura alatyndyǵymyzdy aitty. Qazirgi tańda memleket tarapynan stýdentterge, jas mamandarǵa jasalynyp jatqan jaǵdailarǵa toqtalyp, Elbasy N. Nazarbaevtyń jastarǵa úlken senim artyp otyrǵandyǵyn jetkizdi.
Sybailas jemqorlyqpen kúresý Qazaqstannyń búgingi kúngi kúrdeli máselesi bolyp otyr. Úlken áleýmettik qasiret bolyp tabylatyn ol saiasi damý turǵysynan bir-birine uqsamaityn álemdegi barlyq elderdiń qai-qaisysyn da qatty alańdatatyny anyq. Sol úshin qoǵamnyń barlyq kúsh-jigerin biriktirip, osy derttiń odan ári ýshyqpaýy úshin, ony toqtatýdyń barlyq amaldaryn qoldaný arqyly ǵana bul qubylysqa tiimdi túrde qarsy turýǵa bolady.Óz kezeginde QazUTÝ-dyń tárbie jumysy jónindegi prorektor G.A.Sársenbekova:
– Ár qazaqstandyq, ár otbasy sybailas jemqorlyqpen kúreske – jalpy qoǵamnyń, ár azamattyń azamattyq boryshy dep bilý kerek. Ata-ana balalaryna Otanǵa degen súiispenshilikti, orta men dástúrge degen syilastyqty, bilim men ádilettilikke umtylýdy erte bastan darytý qajet. Tárbie men bilim berý úrdisi adamnyń sybailas jemqorlyqqa qarsy kúres mádenietiniń qurylý negizi bolyp tabylady. Bul jerde eń basty tártip otbasy men bilim berý salasynan bastalady. Sondyqtanár ata-ana, ár oqytýshy balalarǵa úlgi bolyp, naqty qundylyqty durys tańdaýǵa baǵdar kórsetý tiis, – dedi. Sybailas jemqorlyqqa qarsy kúreste jastarmen jumys jasaý mańyzdy ról atqarady. Sol sebepti qazirgi kezde jastar uiymynyń sybailas jemqorlyqpen qarsy kúresti nasihattaýdaǵyalatyn orny erekshe, al 2016jyldan bastap «Quqyq negizderi» oqý páni engiziletin bolady. Jiyn sońynda qatysýshylar Agenttiktiń Almaty qalasy boiynsha Departamentiniń mamandaryna oqytýshylar men stýdentter suraqtaryn qoiyp, naqty jaýaptar aldy.
Rimma ABDYQADYRQYZY, QazUTÝ Aqparattyq-saraptaý ortalyǵynyń bas mamany.
