Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Jeke kásip ashýǵa qumar jastar qatary artyp keledi – Darhan Satybaldy

Dalanews
Jeke kásip ashýǵa qumar jastar qatary artyp keledi – Darhan Satybaldy
Túrkistan oblysynyń ákimi Darhan Satybaldy óńirdiń 150-den astam belsendi jastarymen kezdesti. Erkin formatta pikirlesti. Olardyń oiyn tyńdap, usynystaryn tyńdady. Aqyl, keńesimen bólisti. Jastarǵa senim artatynyn aitqan oblys ákimi igi isterdiń basynda júrgen ul-qyzdarǵa alǵys bildirdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

Óńirdegi jastar saiasatyna úles qosýǵa shaqyrdy.

– Búgingi kezdesýde ózekti máseleler men tyń ideialaryńyzdy ortaǵa salýǵa shaqyramyn. Jastar arasyndaǵy problemany sizderden artyq eshkim bilmeidi. Máseleler aitylyp, sheshý joldaryn talqylaiyq. Qoǵamnyń qozǵaýshy kúshi – jastar. Sizder bolashaqtyń jas qurylysshysy ekenderińizdi esh ýaqytta esten shyǵarmaýlaryńyz kerek. Barymyzdy baǵalaiyq.

Bilim alyńyzdar, eńbek etińizder, aǵa býynnyń aqylyna qulaq asyńyzdar, úzdiksiz izdeniste bolyńyzdar. Jeke kásip ashýǵa qumar jastar qatary artyp keledi. Jalyndy jas úshin asý asyp, ótkelderden ótý qiyn emes. Eń bastysy, biik maqsat, mártebeli múdde bolý kerek, – dedi oblys ákimi Darhan Satybaldy.


Erkin formatta ótken kezdesý eki saǵatqa sozyldy. Kóp máseleniń kúrmeýi sheshildi. Jastar óńir basshysyna túrli suraqtar qoiyp, pikirlerin bildirdi. Jumyspen qamtý, qoljetimdi baspana máselesin kóterdi. Bilimdi jetildirý, jas kásipkerlerdi qoldaý, qorshaǵan ortany qorǵaý jaily aityldy. Oblys ákimi jastarmen jii júzdesýge daiyn ekendigin aityp, kóterilgen taqyryptar aiasynda jumys isteletindigin jetkizdi. Mundai kezdesýler jalǵasyn tabady.

Túrkistan qalasynda oblystyq jastar resýrstyq ortalyǵynyń ǵimaraty ornalasqan. Ortalyqty aralap kórgen oblys ákimi Darhan Satybaldy 17 aýdan, qala boiynsha Jastar resýrstyq ortalyǵy basshylarymen tanysty. Oblystyq Jastar resýrstyq ortalyǵynyń basshysy Erasyl Tólebaev atqarylǵan jumystardyń esebin berdi.

Túrkistan óńirinde 470 myńnan asa jas bar. Bul - respýblika jastarynyń 13%-y. Oblys halqynyń tórtten birin quraityn jastardyń  80%-dan astamy aýylda turady. Olardyń arasynda eriktiler de barshylyq. Qoǵamdyq jumystarǵa aralasyp, túrli baǵytta, túrli jaǵdailarda halyqqa qyzmet kórsetýde.

Kezdesý sońynda oblys ákimi belsendi jastarmen birge aǵash otyrǵyzdy.
jastar túrkistan Jastar resýrstyq ortalyǵy Darhan Satybaldy Erasyl Tólebaev Madina Sádýaqasova

Oqi otyryńyz