Óńirdegi jastar saıasatyna úles qosýǵa shaqyrdy.
– Búgingi kezdesýde ózekti máseleler men tyń ıdeıalaryńyzdy ortaǵa salýǵa shaqyramyn. Jastar arasyndaǵy problemany sizderden artyq eshkim bilmeıdi. Máseleler aıtylyp, sheshý joldaryn talqylaıyq. Qoǵamnyń qozǵaýshy kúshi – jastar. Sizder bolashaqtyń jas qurylysshysy ekenderińizdi esh ýaqytta esten shyǵarmaýlaryńyz kerek. Barymyzdy baǵalaıyq.
Bilim alyńyzdar, eńbek etińizder, aǵa býynnyń aqylyna qulaq asyńyzdar, úzdiksiz izdeniste bolyńyzdar. Jeke kásip ashýǵa qumar jastar qatary artyp keledi. Jalyndy jas úshin asý asyp, ótkelderden ótý qıyn emes. Eń bastysy, bıik maqsat, mártebeli múdde bolý kerek, – dedi oblys ákimi Darhan Satybaldy.
Erkin formatta ótken kezdesý eki saǵatqa sozyldy. Kóp máseleniń kúrmeýi sheshildi. Jastar óńir basshysyna túrli suraqtar qoıyp, pikirlerin bildirdi. Jumyspen qamtý, qoljetimdi baspana máselesin kóterdi. Bilimdi jetildirý, jas kásipkerlerdi qoldaý, qorshaǵan ortany qorǵaý jaıly aıtyldy. Oblys ákimi jastarmen jıi júzdesýge daıyn ekendigin aıtyp, kóterilgen taqyryptar aıasynda jumys isteletindigin jetkizdi. Mundaı kezdesýler jalǵasyn tabady.
Túrkistan qalasynda oblystyq jastar resýrstyq ortalyǵynyń ǵımaraty ornalasqan. Ortalyqty aralap kórgen oblys ákimi Darhan Satybaldy 17 aýdan, qala boıynsha Jastar resýrstyq ortalyǵy basshylarymen tanysty. Oblystyq Jastar resýrstyq ortalyǵynyń basshysy Erasyl Tólebaev atqarylǵan jumystardyń esebin berdi.
Túrkistan óńirinde 470 myńnan asa jas bar. Bul - respýblıka jastarynyń 13%-y. Oblys halqynyń tórtten birin quraıtyn jastardyń 80%-dan astamy aýylda turady. Olardyń arasynda eriktiler de barshylyq. Qoǵamdyq jumystarǵa aralasyp, túrli baǵytta, túrli jaǵdaılarda halyqqa qyzmet kórsetýde.
Kezdesý sońynda oblys ákimi belsendi jastarmen birge aǵash otyrǵyzdy.
