Jastar kásiptik bilimdi igerýde
Mine, elimizde ótken EKSPO kórmesiniń taqyrybymen ushtastyra alynǵan «Jańartylmaly energiia kózderi» taqyrybyndaǵy zertteý sabaǵy – ár balanyń jeke qabiletine qarai intellektýaldyq damýyn, jeke adamnyń daryndylyǵyn, talantyn, qabiletin damytty.
Elektroradiomontajdaý tájiribesi boiynsha stýdentter dánekerleý úrdisi barysyndaǵy qajet bilimmen qarýlanǵandyqtaryn dáleldei kele, EKSPO kórmesiniń qyzyqty derekterin de jariialap ótti. Tabiǵi bailyqty qoldaný búginniń enshisinde, al «Jarqyn bolashaq – jasyl energetikada» degen uranmen RES2A tobynyń stýdentteri belsendi túrde energiianyń alternativti joldaryn oqyp úirenýmen qatar, ózderiniń de tyń ideialarymen bóliskendi jón kórdi. Mýhtarhanov Ernur «Úshinshi býyndy biootyn» taqyryby aiasynda baldyrlardan energiia óndirý joldaryn qarastyrsa, Áshirhan Beibarys «Nanomaterial – grafen negizindegi kún energiiasyn jinaqtaýshy panelder» taqyryby aiasynda zertteý júrgizip, kún energiiasymen iske qosylǵan maketterin tanystyrdy.
Oqytýshy pedagogikalyq izdenispen ozyq tehnologiialardyń ádis-tásilderin asa joǵary talǵammen qoldanyp, stýdentter alǵan bilimderin keleshekte belgili bir mádeni ortada ómir súrýi, tez beiimdele alýy arqyly fýnktsionaldyq saýattylyqqa qol jetkizýi úshin tiimdi paidalanýǵa jol ashty. Osy zertteý sabaǵyn ótý barysynda shynaiy ómirmen ushtastyrý arqyly stýdentterdiń fýnktsionaldyq saýattylyqtary artyp jáne mamandyqpen bailanys ornatý maqsatymen operatordan suhbat alynyp,interviý alý, reportaj jasaýdaǵy túsirý ádisterimen tanysyp, óz mamandyqtaryn durys tańdaǵandyqtaryna kózderi jetti.
Qazir adamzattyń ózi jańa sapaǵa aýysty. Qarym-qatynas stilin ózgertý talaby týyndady. Ár balanyń ózindik ereksheligi bolady. Kórý arqyly oi qorytatyndar (vizýaldar), estý arqyly pikir jinaqtaityndar (aýdialdar) bolady. Bireýleri kórgenin tez qabyldap, bireýleri estigenin este saqtaidy. Sonymen qatar balalardyń kinestetik dep atalatyn taǵy bir toby bar. Olar bárin ózderi qoldarymen ustap, baqylap jyljytyp, ózi jasaǵandy unatady. Sol erekshelikterdi eskere kele, ár balanyń baspa platasyna shema jinaý, dánekerleý, ony virtýaldy Electronics Workbench zerthanasynda tekserý jumystaryn toppen júzege asyryp, nátijege ol jetkizdik.
Úshtildi oqytý – jas urpaqtyń bilim keńistiginde erkin samǵaýyna jol ashylatyn, álemdik ǵylym qupiialaryna úńilip, óz qabiletin tanytýyna múmkinshilik beretin búgingi kúngi eń basty qajettilik ekenin eskere kele, zertteý sabaǵy 3 tilde júrgizildi.
Elimizdiń mártebesiniń biik bolýy qoǵam músheleriniń, keleshek el qojasy – jas urpaqtyń belsendiligi men iskerligine tikelei bailanysty bolmaq.
Ásem Amanjanqyzy, Almaty memlekettik politehnikalyq kolledji,
Kinoindýstriia, mehanika jáne ekonomika kafedrasynyń arnaiy pán oqytýshysy
