Din isteri ministri Batys Qazaqstan oblysynyń jastarymen kezdesti
«Oralda oqýshylar men jastarǵa arnalǵan osyndai záýlim saraidyń bolǵandyǵy meni qatty qýantty. Munda jastarǵa arnalǵan ártúrli úiirmeler, shaǵyn ortalyqtar men kovorking ortalyǵy bar, sondai-aq munda jastardyń shyǵarmashylyq turǵyda damýyna jáne qoǵam úshin paidaly istermen ainalasýyna barlyq jaǵdai jasalǵan. Ortalyq 3D-aqparattyq tehnologiialarymen, sonymen qatar zamanaýi kommýnikatsiia quraldarymen jabdyqtalǵan. Bizdiń Ministrliktiń baǵytynyń biri – jastar saiasaty bolǵandyqtan, Batys Qazaqstan oblysynyń jastary «Týǵan jer», «Atameken», «Áleýmettik bastamalar kartasy» jobalary boiynsha belsendi jumys istep jatqanyna kózim jetti», – dedi Nurlan Ermekbaev.
Ministr Batys Qazaqstan oblysynyń jastarynyń qoǵam úshin belsendi bastamalardan qalys qalmai, óte tushymdy usynystarymen kózge túsip jatqandyǵyn atap ótti.
«Jastar tarapynan qoǵam úshin mańyzdy saýaldar kelip túsýde. Jalpy qazirgi jastardyń boiynan ynta-jigerdiń, bolashaqqa degen nyq senimniń lebi seziledi. Osyndai belsendi jastarǵa biz memleket tarapynan qoldaý kórsetýimiz kerek», – dedi ministr.
Oqýshylar men jastar saraiyna qarasty «Bastaý» kovorking-ortalyǵy biylǵy jyldyń qazan aiynda ashylǵan bolatyn. Kovorking ortalyǵynyń jumysy «Rýhani jańǵyrý» baǵdarlamasynyń sheńberinde jastardyń bastamalaryn damytý, olardyń qoǵam ómirine belsendi atsalysýyna baǵyttalǵan.
