Baǵdarlamanyń negizgi baǵyttary jobanyń ataýyna sai ázirlengen. Sonyń ishinde: qoqysty sorttaý, qaýipti qaldyqtardyń jerge sińýine jol bermeý, aýanyń sapasyn jaqsartyp, sý resýrsyn únemdeýdiń algortimderin ázirleý. Tutastai alǵanda, Jańa Qazaqstanǵa asa qajetti ekologiialyq mádeniet pen ekologiialyq sanany qalyptastyrý.
Ulttyq jobaǵa bólingen qarjy da qomaqty. 2025 jylǵa deiin jalpy quny 1 mlrd 412 mln teńge igerilýi tiis. Tek biylǵy ózinde "Jasyl Qazaqstannyń" qaǵidalaryn júzege asyrýǵa 146 mln teńge baǵyttalypty. Kelesi jyly bul soma 240 mln teńgege deiin óspek.
Smaiylov Úkimetiniń málimeti boiynsha, ulttyq jobaǵa bólingen qarjy durys igerilip, baǵdarlama aiasynda kózdelgen bastamalar tolyq júzege assa, bul ekonomikaǵa da oń áser etedi.
"Jasyl Qazaqstannyń" maqsaty tolyq oryndalar bolsa, 2025 jylǵa deiin 60 myńnan asa jumys orny qurylady.
Májiliste osy jobanyń júzege asýyn jiti baqylaityn Ekologiia máselesi jáne tabiǵatty paidalaný komiteti bar. Komitet múshesi Eldos Abaqanulynyń aitýynsha "Jasyl Qazaqstannyń" ózine deiingi jobalardan orny bólek.
"Ulttyq jobany naqty indikatorlar boiynsha baǵalai alamyz. "Jasyl Qazaqstandy" ázirlegen tusta kópshilikti tolǵandyrǵan máselelerdi qamtýǵa tyrystyq. Sonyń negizinde ekologiialyq qaýipsizdik kontseptsiiasy ázirlendi. Bul kontseptsiiasynyń bir ereksheligi "Jasyl Qazaqstannyń" kómegimen jasyl ekonomikaǵa kóshýde kózdep otyrmyz.
Halyqtyń alańdatqan máseleniń biri - aýa tazalyǵy. Ulttyq joba aiasynda 22 qaladaǵy aýa sapasyn jaqsartý kózdelgen. Qoqys máselesi de aktýaldy taqyrypty biri. Elimizde ekologiialyq monitoring júrgizý isi aqsap tur. "Jasyl Qazaqstannyń" kómegimen osy olqylyqty túzeýge tyrysý qajet. Aýanyń sapasyn jaqsartý ekoposttardyń sanyn kóbeitý mańyzdy, sol arqyly aýadaǵy ýly gazdardyń kólemin anyqtaimyz.
Álbette, bul problemany tolyq sheshpeidi. Aýanyń sapasyn jaqsartý úshin prezident Toqaev mindettegen 2 mlrd túp tal otyrǵyzýdy jedeldetý qajet. Bul da ulttyq jobanyń prioritetiniń biri", – deidi halyq qalaýlysy.
Buǵan deiin Dalanews.kz elimizdegi qoqys máselesin sóz etip, ony sheshýdiń joldaryn usynǵan bolatyn.
"Qoǵamda qoqys sorttaityn mádeniet qalyptastyrǵan mańyzdy. Bul árbir azamattyń jeke jaýapkershiligindegi dúnie. Bul turǵyda Shvetsiia, Norvegiia sekildi memleketterge úlgi alýymyzǵa bolady. Aitalyq, shvedterde plastik bótelkelerdi qabyldaityn jáne sonyń aqysyn tóleitin arnaiy qurylǵylar bar. Bul turǵyndardyń qoqysty sorttap, plastik buiymdardy ótkizýge degen yqylasyn oiatady. Bundai tájiribeni Qazaqstanǵa da endirý qajet”, – degen bolatyn ekobelsendi Aiman Seksenqyzy.
