Astana qalasyndaǵy Sıfrlandyrý bizdiń ómirimizge kún saıyn dendep enýde. Bas qalanyń zaman aǵymyna ilesýi – zańdylyq. Qazirgi tańda komýnaldyq sharýashylyq salasynyń da tamyryna sandyq júıe qan júgirtýde. Eger buryn turǵyndar komýnaldyq qyzmet kórsetetin túrli uıymdarǵa jeke-jeke júginýge májbúr bolsa, 2019 jyldan bastap Astana qalasy ákimdiginiń bastamasymen elordada iQala City qyzmet kórsetý ortalyǵy paıda boldy. iQala City qyzmet kórsetý ortalyǵynyń tálimgeri Qýanysh Baızaqov ortalyq jumysy men turǵyndarǵa kórsetilip jatqan kómekter týraly jan-jaqty aıtyp berdi.
iQala City qyzmet kórsetý ortalyǵy 2019 jyldyń maýsym aıynda Astana qalasy ákimdiginiń bastamasymen, sondaı-aq Qazaqstan Respýblıkasy Sybaılas jemqorlyqqa qarsy is-qımyl agenttiginiń Astana qalasy boıynsha departamentiniń qoldaýymen, «Astana – adaldyq alańy» jobasynyń sheńberinde irge qalapty. Bul ortalyqty qurýdaǵy maqsat – ákimshilik kedergilerdi azaıtý, sybaılas jemqorlyq táýekelderin kemitý jáne boldyrmaý, bir tereze qaǵıdaty boıynsha qyzmetterdi bir jerden alýdy jeńildetý, qyzmet kórsetýshiler men usynylatyn qyzmetti alýshy arasynda tikeleı baılanystyń bolmaýy. Qala turǵyndary komýnaldyq uıymdardy izdep, qalany aralap júgirmeı-aq, bir jerden qyzmet kórsetýge kelisim-shart jasasýǵa múmkindik aldy. Ortalyqtyń front-ofısine habarlasýmen qatar, barlyq komýnaldyq qyzmetterdi https://ns.gov.kz portaly arqyly onlaın alýǵa bolady.
«Ortalyq portaly barlyq qalalyq qyzmetterdi biriktiredi jáne azamattar men zańdy tulǵalar úshin de, qyzmet kórsetýshiler úshin de turǵyn úı-kommýnaldyq sektordaǵy uıymdardyń qyzmetterine qol jetkizýdiń biryńǵaı núktesi retinde áreket etedi», - dep túsindirdi ortalyq tálimgeri.
Eske salaıyq, «Astana – adaldyq alańy» jobasy boıynsha sybaılas jemqorlyqqa qarsy kúrestiń jańa quraldaryn engizý úshin jobalyq menejment qoldanylǵan bolatyn. Joba azamattardyń minez-qulqynyń sybaılas jemqorlyqqa qarsy modelin odan ári damytýǵa jáne sybaılas jemqorlyqty qabyldamaý atmosferasyn qurýǵa baǵyttalǵan. Joba aıasynda memlekettik qyzmet kórsetý sapasy jaqsaryp, turmystyq sybaılas jemqorlyq joıylyp, azamattar men bıznes úshin kedergisiz jáne qolaıly jaǵdaı jasalyp, memlekettik organdar qyzmetiniń ashyqtyǵy men aıqyndyǵy qoǵamdyq baqylaýǵa ıe boldy.
«Búgingi tańda ortalyq Astana qalasy boıynsha komýnaldyq jáne komýnaldyq sharýashylyq salasynda 130-dan astam qyzmet túrin kórsetedi. Bul ortalyqqa qalalyq sıfrlandyrý jáne memlekettik qyzmetterdi kórsetý basqarmasy jetekshilik etetinin eskertemin. Qazir ol saıtta jarıalandy, biraq ázirge «Smart Energy Hub» JSHS, «Astana qalalyq jaryq» JSHS, «Temirjolenergo» JSHS qyzmetterin sıfrlandyrý boıynsha jumys testilik rejımde júrgizilýde. Bul adamdarǵa jetkizýshilerde tańdaý múmkindigi bolýy úshin jasalady: eger bireý basqa jaryq jetkizýshimen kelisim jasaǵysy kelse, onda olar usynylǵandardyń ishinen tańdaı alady. Bul tabıǵı monopolıa sýbektileri, sondyqtan básekelestik orta bolýy kerek. Jaryq máselesine keletin bolsaq, árbir qyzmet alýshy qyzmet kórsetýshini óz betinshe tańdaı alady, biraq jylýdy tek «Astanaenergosbyt» JSHS-nen alýǵa bolady», - dep atap ótti Qýanysh Baızaqov.
Iaǵnı, eger MJK, barlyq kórshiler bir jetkizýshini tańdaǵan bolsa, biraq ol sizdiń talabyńyzǵa sáıkes kelmese, onda basqa elektr energıasyn jetkizýshini jalǵyz tańdaı alasyz. Biraq bir kompanıamen kelisim-shart jasaý ońaıyraq ekenin de eskergen jón. Dese de, basqa elektr jetkizýshimen kelisim-shart jasasqanda ol uıymǵa baryp, olarmen kelissóz júrgizýdiń qajeti joq. Tek iQala City qyzmet kórsetý ortalyǵyna habarlasý qajet. Eger buryn jyljymaıtyn múlikti satyp alý kezinde adamdar keńseleri qalanyń ár túkpirinde ornalasqan barlyq ınstansıalarǵa barsa, kılometrge sozylǵan kezekterdi kútse, túski úzilisten operatordy taǵy kútse, qazir atalǵan ortalyqqa kelý nemese habarlasý jetkilikti. Barlyǵy ortalyqtandyrylǵan. Front-ofıste ótinishińiz tirkelip, tolyq keńes ala alasyz.
Tálimgerdiń dereginshe, eki tarap qol qoıǵan kelisimdi júktep alýǵa jáne basyp shyǵarýǵa bolady. Qalaı bolǵanda da, ol ótinish berýshiniń jeke kabınetinde qalady. Komýnaldyq qyzmet kórsetýshilermen kelisim-shart jasasý kezinde eki jaqty qol qoıylǵanyn eskertemin. Bul mańyzdy. Biz muny adam kelisimshartta birdeńe sáıkes kelmese, jetkizýshini tańdaýy úshin jasadyq. Buǵan deıin mýnısıpaldyq mekemeler birjaqty kelisim-shartqa qol qoıyp, sizge jiberetin. Sondaı-aq iQala Front Office Manager elektrondyq poshtasyn jiberýge bolady. Ol sizge qajetti aqparatty beredi jáne ótinishterdi toltyrady. Biraq oǵan basshynyń ESQ qol qoıady, óıtkeni ol zańdy tulǵa retinde áreket etedi jáne sizdiń atyńyzdan qujattardy toltyrýǵa quqyly.
«Tarıfterdi, alymdardy, qaıta esepteýlerdi árbir jetkizýshi bólek júrgizedi. Óıtkeni, olar esepteýler júrgizip, óz qyzmetteri týraly derekter engizilgen túbirtekti tutynýshynyń úıine jetkizetin ortalyqqa beredi.
Al bizge adamdar kóbinese kelisim-sharttar jasasýǵa, qosylýǵa tehnıkalyq sharttardy berý qyzmetterine júginedi. Qalalyq komýtasıaǵa qosylý elektr jáne jylý jelilerine, sý qubyrlaryna, kanalızasıaǵa jáne nóserli kanalızasıaǵa qosylýdy qamtıdy. Aıtpaqshy, bul suraqty elektrondy ótinish túrinde de óńdeýge bolady. Bizge, sondaı-aq tutynýshylar tehnıkalyq sharttar boıynsha da keledi, olardyń kópshiliginde ruqsattary bar. Eger ol joq bolsa, onda qurylysty bastaýǵa jáne qalalyq jelilerge qosylýǵa quqyǵy joq», - dep túsindirdi Qýanysh Baızaqov.
Onyń aıtýynsha, ortalyq qazir «QazTransGazAımaq» AQ-men dıalog júrgizip jatyr. Aldaǵy ýaqytta bul qyzmet te ortalyqta paıda bolady. Sonymen qatar qazir barlyq qyzmetter sıfrlyq tehnologıaǵa kóshý ústinde. Kópshilikke málim, sıfrlandyrý uzaq ýaqyt boıy komýnaldyq qyzmetterge qatysty bolǵan joq, barlyǵy eski ádispen, qaǵaz júzinde jumys istedi. Ol halyqqa qyzmet kórsetý ortalyqtarynda jáne eGov.kz portalynda kórsetiletin memlekettik qyzmetterden bastaldy. Al 2019 jyly mundaı ortalyq qurý týraly sheshim qabyldandy.
Q.Baızaqov mekemede áli baılanys ortalyǵy joq ekenin, biraq jumys kúnderi saǵat 9.00-den 18.00-ge deıin korporatıvtik nómirleri jumys isteıtinin jetkizdi. Ol túski as ýaqytynda da qyzmet ete beredi. Onda habarlasýshylarǵa operatorlar egjeı-tegjeıli keńes berip, máselege baılanysty baǵyt-baǵdar kórsetedi. Komýnaldyq qyzmetterge qatysty jeke jáne zańdy tulǵalardyń barlyq saýaldaryna ortalyqtaǵy kez kelgen qyzmetker jan-jaqty jaýap bere alady.
«Astana turǵyndarynyń 50 paıyzy qyzmet aqysyn áli de qaǵaz túbirtekte tóleıdi. Onda barlyǵy egjeı-tegjeıli jazylǵan, «balans», «esepteý», «tóleý», «aıyppul», «qaıta esepteý» degen baǵan bar. Al bankterdiń ótinishinde – tek jalpy soma men aıyppul somasy kórsetiledi. Ázirge qaǵaz túbirtegi ótinishte tolyq kórsetilmeıdi. Bizde qarttar, múgedekter bar, barlyǵynda smartfon joq, sondyqtan 25-in kútpeı-aq qyzmet aqysyn tóleý úshin qaǵaz túbirtek kerek», - dedi mekeme tálimgeri.
Ol «Tutynýshylar qaǵaz túbirtegi úshin aqsha tóleıdi, sondyqtan olardy aınalymnan alǵylary kelmeıdi» degen pikirdiń túbegeıli qate ekenin de aıtty. Komýnaldyq qyzmetterdi kórsetetin uıymdar URC túbirtegi shyǵynyn ózderi kóteredi. Turǵyndar qyzmet aqysyn ǵana tóleıdi,
«Bul da buryn qyzmet aqysyn tóleý úshin túrli uıymdarǵa baratyn turǵyndarymyzǵa yńǵaıly bolý úshin jasalyp otyr. Sondyqtan da biryńǵaı esep aıyrysý ortalyǵy quryldy, oǵan bizdiń qyzmet kórsetýshilerdiń barlyq aqparaty túsedi, sodan keıin túbirtek qalyptasyp, astanalyqtardyń úılerine barady», - dedi jaýapty maman.
