Lebedevtiń stýdiiasy Qazaqstannyń ulttyq kompaniiasynyń logotipin qanshaǵa jasaǵany jaiynda lám-lim dep tis jarmaǵan.
Protenge telegram arnasy QazaqGaz kompaniiasyna birneshe ret habarlasyp, logotipti qanshaǵa jasatqany jaiynda suraý salǵanda alpaýyt kompaniia logikaǵa syimaityn jaýaptar qaitarǵan.
QazaqGaz kompaniia kelisim-shartqa sáikes logotiptiń baǵasyn úshinshi tarapqa jariia etýge tyiym salynatynyn aityp, isti jyly jabýǵa tyrysqan.
Atalǵan kompaniia memkompaniia bolǵannan keiin onyń logotipin reseilik stýdiia qanshaǵa jasatqany halyqtyń bilýge qaqysy bar. Eger QazaqGaz jeke bireýdiń kompaniiasy bolsa, ony eshkim mazalamas edi.
Qarapaiym logotipti elimizde de jasaýǵa bolatyn edi ǵoi. Bul – Jańa Qazaqstan úshin jat qylyq. Halyqtyń bailyǵyna qurylǵan kompaniia logotip jasaýǵa qansha jumsaǵanyn jasyrmai aitýy kerek.
Keiin kompaniia Protenge telegram arnasyna túsinikteme berip, reseilik dizainer Lebedevtiń stýdiiasymen QazaqGaz-dyń janyndaǵy Gaz salasynyń ardagerler keńesi kelisimshartqa otyrǵanyn aitqan.
Bul endi tipti qyzyq bolyp tur. Gaz salasynyń ardagerleri keńesi kompaniianyń logotipin jasaýmen emes ardagerlerdiń jaǵdaiyn jaqsartý isimen ainalyspai ma?
Mundai ispen ádette kompaniialardyń marketing bólimi ainalysatyny belgili. Eger ardagerler keńesi shynymen de kompaniianyń logotipin jasaýǵa tapsyrys berse, munda bir shikiliktiń bary anyq.
QazaqGaz reseilik dizainerlik stýdiiadan kelisim-sharttyń qanshaǵa baǵalanǵanyn aitýdy ótingenmen, reseilik stýdiia budan bas tartypty.
Sonymen qatar QazaqGaz kompaniiasy ardagerlerdiń qoǵamdyq uiymyna eshqashan qarjy aýdarmaǵandaryn da alǵa tartqan. Demek, ardagerler óz aralarynan aqsha shyǵaryp, kompaniianyń logotipin ózgertýge bekingen boldy ǵoi?
Aqylǵa syimaityn áńgime. Protenge telegram arnasy osy isti aqyryna deiin jetkizgenshe toqtamaq emes.
