Almaty oblysy energetika jáne turǵyn úi-kommýnaldyq sharýashylyq basqarmasynyń málimeti boiynsha oblys aýmaǵynda turmystyq qatty qaldyqtardy tastaýǵa arnalǵan 7 poligon jáne qaldyqtardy ýaqytsha saqtaýǵa arnalǵan 131 oryn bar. Olar, Balqashta – 14, Eńbekshiqazaqta – 32, Jambylda – 30, Kegende – 16, Raiymbekte – 15, Uiǵyr aýdanynda – 24.
«Qazaqstan Ǵarysh Sapary» AQ-nyń Geoportal júiesiniń derekteri boiynsha 2022 jyldyń ótken merzimine Almaty oblysy aýmaǵynda 351 ruqsat etilmegen qoqys orny anyqtaldy, onyń on tórtinen belgilengen poligon shekarasynan shyǵyp ketý faktisi anyqtalǵan.
Jergilikti atqarýshy organdardan alynǵan aqparattarǵa sáikes, 2022 jyly anyqtalǵan 351 ruqsat etilmegen qoqys oryndarynyń búgingi kúnde 254-ne tiisti tazalaý jumystary júrgizilip, tolyǵymen joiylǵan.
Sonymen qatar, qala jáne aýdandyq prokýratýralardyń usynýlary negizinde jáne Departamentpen júrgizilgen reidtik is-sharalardyń jáne zerdeleý jumystarynyń nátijeleri boiynsha QR ÁQBtK-niń 324 jáne 344-baptarymen 54 laýazymdy tulǵa ákimshilik jaýapkershilikke tartydyp, qysqartylǵan tártipte jalpy somasy 5 926 905 teńgege aiyppul arqalady.
Aita ketý kerek, oblys aýmaǵyna qaldyqtardy jinaý men shyǵarýdy 62 uiym qamtamasyz etedi. Aýdan ortalyqtary men iri eldimekender uiymdasqan qoqys shyǵarýmen tolyǵymen qamtylǵan.
Óńirde «Qazaqstan Qaǵazy» AQ, «SAF» JShS, «ÝtilEkoServis» JShS, «KazPetPolimer» JShS, «InterMedGrýpp» JShS, «Kagazy Recycling» JShS, «MEA Properties» JShS, «P.T.Z» JShS, «Q-recycling» JShS, «TechnicDestroy» JShS,«TazaJerMPK» JShS, «EcoLineTabigat.Co» JShS syndy 12 kásiporyn jalpy qýaty jylyna 343 myń tonna qaitalama materialdyq resýrstardy iaǵni, makýlatýra, shyny, polimerli jáne plastikalyq qaldyqtardy óńdeýmen ainalysady.
Búgingi tańda qaldyqtardy óńdeý isi ózekti. Osy túiitkildi sheshý maqsatynda qazirgi kezde "Waste Energy Kazakhstan" JShS qazaqstandyq-ispandyq kompaniiasy qýattylyǵy jylyna 120 myń tonna bolatyn "Meriolizis" tehnologiiasy boiynsha tolyq tsikldi qoqys óńdeý zaýytyn salý úshin jobalaý-smetalyq qujattamany ázirleý boiynsha jumys júrgizýde. Investitsiianyń jalpy kólemi – 41,8 mln.eýrony quraidy.
Sonymen qatar, «Almaty oblysynyń óńirlik qaldyqtardy basqarý júiesi» aiasynda qoqys tieý jáne turmystyq qatty qaldyqtar poligonynyń qurylysy boiynsha 3 jobalyq-smetalyq qujattama ázirlengen edi. Qurylys – montajdaý jumystarynyń jalpy somasy 2,3 mlrd tengeni quraidy.
Mamandardyń sózine sensek, joǵaryda atalǵan jobalardy júzege asyrý nátijesinde aglomeratsiia aýmaǵyndaǵy eldi mekenderde turmystyq qatty qaldyqtardy jinaý, tasymaldaý, kádege jaratý, qaita óńdeý jáne kómý jónindegi qyzmetter kesheniniń tiimdiligin, ekologiialyq jáne áleýmettik qolailylyǵyn arttyrýǵa múmkindik beredi.
