Londondaǵy Koroldik kolledj ǵalymdary anar, jańǵaq jáne keibir jidekterdi tutynǵannan keiin aǵzada túziletin ýrolitin A qosylysy júrek jumysyna oń áser etýi múmkin ekenin anyqtady, dep dalanews.kz tilshisi Malim.kz basylymyna silteme jasap habarlaidy.
Zertteý barysynda bul zat janýarlarda júrek qyzmetiniń keibir kórsetkishterin 80%-ǵa deiin jaqsartyp, júrek bulshyqetiniń bosańsýyna kómektesken. Sondai-aq tyrtyq tinderiniń túzilýi men júrek bulshyqetiniń ulǵaiýyn azaitqany baiqalǵan.
Ǵalymdar ázirge anardy nemese ýrolitin A-ny júrek aýrýyn emdeitin qural dep aitýǵa erte ekenin eskertedi. Sebebi zertteý janýarlar men zerthanalyq jaǵdaida alynǵan adam júrek tinderine júrgizilgen. Onyń adam aǵzasyna naqty áserin anyqtaý úshin qosymsha klinikalyq zertteýler qajet.
