Almatyda qoǵamdyq kólik jolaýshylarynyń kózinshe itke qatygezdik tanytqan áiel politsiiaǵa jetkizildi, dep habarlaidy dalanews.kz.
Kriminalnyi Kazahstan málimetinshe, oqiǵany №52 avtobýstyń jolaýshylary videoǵa túsirip alǵan. Kýágerlerdiń sózinshe, áiel balaǵat sózder aityp, itke "fas" dep buiryq bergen. Janýardyń ústi sý ári las bolǵan.
Keiin áiel avtobýstan túsip, kóshede itti tunshyqtyryp, tepkilei bastaǵan. Ótip bara jatqan adamdar ony toqtatýǵa tyrysqanda, áiel itti solarǵa qarai laqtyrǵan.
Oqiǵaǵa kýá bolǵan birneshe jigit janýardy áielden alyp qalǵan. Olar itke tamaq berip, veterinarǵa aparǵan. Qazir janýarǵa jańa iesi izdestirilip jatyr.
Oqiǵadan keiin áiel politsiia bólimine jetkizilgen.
