ShQO-da kásiporynǵa ekologiialyq zańnamany buzǵany úshin 100 mln teńgeden astam aiyppul salyndy, dep habarlaidy dalanews.kz.
Shyǵys Qazaqstan oblysynyń mamandandyrylǵan tabiǵat qorǵaý prokýratýrasy qorshaǵan ortany qorǵaý salasynda zańdylyqty qamtamasyz etý boiynsha jumys júrgizip jatyr. Taldaý barysynda Glýbokoe aýdanyndaǵy «Iýbileino-Snegirihinskoe» ken ornynda jer qoinaýyn paidalaný saldarlaryn joiý boiynsha «Vostoktsvetmet» JShS-niń uzaq ýaqyt boiy áreketsizdigi anyqtaldy.
Prokýrorlyq qadaǵalaý aktisi boiynsha ShQO boiynsha Ekologiia departamenti kásiporynǵa jospardan tys tekserý júrgizdi. Nátijesinde JShS QR ÁQBtK-niń 328-babynyń 1-bóligi boiynsha (Qorshaǵan ortaǵa shyǵaryndylardyń tehnologiialyq normativterin asyrý) ákimshilik jaýaptylyqqa tartylyp, 100 mln teńgeden astam somaǵa aiyppul salyndy.
Sondai-aq kásiporynǵa jer qoinaýyn paidalaný saldarlaryn joiý jáne tabiǵat qorǵaý sharalarynyń oryndalýyn júieli baqylaýdy qamtamasyz etý týraly uiǵarym berildi.
