شقو-دا كەسٸپورىنعا ەكولوگييالىق زاڭنامانى بۇزعانى ٷشٸن 100 ملن تەڭگەدەن استام ايىپپۇل سالىندى, دەپ حابارلايدى dalanews.kz.
شىعىس قازاقستان وبلىسىنىڭ مامانداندىرىلعان تابيعات قورعاۋ پروكۋراتۋراسى قورشاعان ورتانى قورعاۋ سالاسىندا زاڭدىلىقتى قامتاماسىز ەتۋ بويىنشا جۇمىس جٷرگٸزٸپ جاتىر. تالداۋ بارىسىندا گلۋبوكوە اۋدانىنداعى «يۋبيلەينو-سنەگيريحينسكوە» كەن ورنىندا جەر قويناۋىن پايدالانۋ سالدارلارىن جويۋ بويىنشا «ۆوستوكتسۆەتمەت» جشس-نٸڭ ۇزاق ۋاقىت بويى ەرەكەتسٸزدٸگٸ انىقتالدى.
پروكۋرورلىق قاداعالاۋ اكتٸسٸ بويىنشا شقو بويىنشا ەكولوگييا دەپارتامەنتٸ كەسٸپورىنعا جوسپاردان تىس تەكسەرۋ جٷرگٸزدٸ. نەتيجەسٸندە جشس قر ەقبتك-نٸڭ 328-بابىنىڭ 1-بٶلٸگٸ بويىنشا (قورشاعان ورتاعا شىعارىندىلاردىڭ تەحنولوگييالىق نورماتيۆتەرٸن اسىرۋ) ەكٸمشٸلٸك جاۋاپتىلىققا تارتىلىپ, 100 ملن تەڭگەدەن استام سوماعا ايىپپۇل سالىندى.
سونداي-اق كەسٸپورىنعا جەر قويناۋىن پايدالانۋ سالدارلارىن جويۋ جەنە تابيعات قورعاۋ شارالارىنىڭ ورىندالۋىن جٷيەلٸ باقىلاۋدى قامتاماسىز ەتۋ تۋرالى ۇيعارىم بەرٸلدٸ.
