الماتى وبلىسى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ مالىمەتى بويىنشا وبلىس اۋماعىندا تۇرمىستىق قاتتى قالدىقتاردى تاستاۋعا ارنالعان 7 پوليگون جانە قالدىقتاردى ۋاقىتشا ساقتاۋعا ارنالعان 131 ورىن بار. ولار، بالقاشتا – 14، ەڭبەكشىقازاقتا – 32، جامبىلدا – 30، كەگەندە – 16، رايىمبەكتە – 15، ۇيعىر اۋدانىندا – 24.
«قازاقستان عارىش ساپارى» اق-نىڭ گەوپورتال جۇيەسىنىڭ دەرەكتەرى بويىنشا 2022 جىلدىڭ وتكەن مەرزىمىنە الماتى وبلىسى اۋماعىندا 351 رۇقسات ەتىلمەگەن قوقىس ورنى انىقتالدى، ونىڭ ون تورتىنەن بەلگىلەنگەن پوليگون شەكاراسىنان شىعىپ كەتۋ فاكتىسى انىقتالعان.
جەرگىلىكتى اتقارۋشى ورگانداردان الىنعان اقپاراتتارعا سايكەس، 2022 جىلى انىقتالعان 351 رۇقسات ەتىلمەگەن قوقىس ورىندارىنىڭ بۇگىنگى كۇندە 254-نە ءتيىستى تازالاۋ جۇمىستارى جۇرگىزىلىپ، تولىعىمەن جويىلعان.
سونىمەن قاتار، قالا جانە اۋداندىق پروكۋراتۋرالاردىڭ ۇسىنۋلارى نەگىزىندە جانە دەپارتامەنتپەن جۇرگىزىلگەن رەيدتىك ءىس-شارالاردىڭ جانە زەردەلەۋ جۇمىستارىنىڭ ناتيجەلەرى بويىنشا ق ر اقبتك-نىڭ 324 جانە 344-باپتارىمەن 54 لاۋازىمدى تۇلعا اكىمشىلىك جاۋاپكەرشىلىككە تارتىدىپ، قىسقارتىلعان تارتىپتە جالپى سوماسى 5 926 905 تەڭگەگە ايىپپۇل ارقالادى.
ايتا كەتۋ كەرەك، وبلىس اۋماعىنا قالدىقتاردى جيناۋ مەن شىعارۋدى 62 ۇيىم قامتاماسىز ەتەدى. اۋدان ورتالىقتارى مەن ءىرى ەلدىمەكەندەر ۇيىمداسقان قوقىس شىعارۋمەن تولىعىمەن قامتىلعان.
وڭىردە «قازاقستان قاعازى» اق، «ساف» ج ش س، «ۋتيلەكوسەرۆيس» ج ش س، «كازپەتپوليمەر» ج ش س، «ينتەرمەدگرۋپپ» ج ش س، «Kagazy Recycling» ج ش س، «MEA Properties» ج ش س، «P.T.Z» ج ش س، «Q-recycling» ج ش س، «TechnicDestroy» ج ش س،«تازاجەرمپك» ج ش س، «EcoLineTabigat.Co» ج ش س سىندى 12 كاسىپورىن جالپى قۋاتى جىلىنا 343 مىڭ توننا قايتالاما ماتەريالدىق رەسۋرستاردى ياعني، ماكۋلاتۋرا، شىنى، پوليمەرلى جانە پلاستيكالىق قالدىقتاردى وڭدەۋمەن اينالىسادى.
بۇگىنگى تاڭدا قالدىقتاردى وڭدەۋ ءىسى وزەكتى. وسى تۇيىتكىلدى شەشۋ ماقساتىندا قازىرگى كەزدە "Waste Energy Kazakhstan" ج ش س قازاقستاندىق-يسپاندىق كومپانياسى قۋاتتىلىعى جىلىنا 120 مىڭ توننا بولاتىن "مەريوليزيس" تەحنولوگياسى بويىنشا تولىق سيكلدى قوقىس وڭدەۋ زاۋىتىن سالۋ ءۇشىن جوبالاۋ-سمەتالىق قۇجاتتامانى ازىرلەۋ بويىنشا جۇمىس جۇرگىزۋدە. ينۆەستيسيانىڭ جالپى كولەمى – 41،8 ملن.ەۋرونى قۇرايدى.
سونىمەن قاتار، «الماتى وبلىسىنىڭ وڭىرلىك قالدىقتاردى باسقارۋ جۇيەسى» اياسىندا قوقىس تيەۋ جانە تۇرمىستىق قاتتى قالدىقتار پوليگونىنىڭ قۇرىلىسى بويىنشا 3 جوبالىق-سمەتالىق قۇجاتتاما ازىرلەنگەن ەدى. قۇرىلىس – مونتاجداۋ جۇمىستارىنىڭ جالپى سوماسى 2،3 ملرد تەنگەنى قۇرايدى.
مامانداردىڭ سوزىنە سەنسەك، جوعارىدا اتالعان جوبالاردى جۇزەگە اسىرۋ ناتيجەسىندە اگلومەراسيا اۋماعىنداعى ەلدى مەكەندەردە تۇرمىستىق قاتتى قالدىقتاردى جيناۋ، تاسىمالداۋ، كادەگە جاراتۋ، قايتا وڭدەۋ جانە كومۋ جونىندەگى قىزمەتتەر كەشەنىنىڭ تيىمدىلىگىن، ەكولوگيالىق جانە الەۋمەتتىك قولايلىلىعىن ارتتىرۋعا مۇمكىندىك بەرەدى.
