2023 jyly ótetin Dúnıejúzilik Mobıldi kongreske daıyndyq aıasynda Huawei IýNESKO-nyń saýattylyqty arttyrý jónindegi jahandyq alánsyna Global Alliance for Literacy (GAL) qosylatynyn jarıalady. Bul týraly Huawei kompanıasy GAL hatshylyǵy retinde qyzmet etetin Úzdiksiz bilim berý Instıtýtymen (Lifelong Learning) birlesip uıymdastyrǵan sıfrlyq samıtte habarlady.
Samıtte Huawei jáne UIL bilim deńgeıin jetildirý úshin tehnologıalardy birlesip paıdalanýǵa járdemdesetin bolyp sheshti. Sondaı-aq taraptar ekijaqty yntymaqtastyq týraly kelisimge qol qoıdy. Osyǵan sáıkes Huawei damýshy elderdegi ustazdardyń tehnologıalardy paıdalanýyn jaqsartýǵa kómektesetin UIL-diń barlyq bastamalaryn qarjylandyrady. Qazir UIL-diń bastamasy Bangladeshte, Kot-d'Ivýarda, Egıpette, Nıgerıada jáne Pákistanda júzege asyp jatyr.
Bile bilsek, Huawei – Jahandyq saýattylyq alánsy qaýymdastyǵy múshesi bolǵan alǵashqy jekemenshik kompanıanyń biri. Olardyń kózdegen maqsattary da bir: ıaǵnı jastarǵa sıfrlyq bilim berý.
«Sát saıyn tolassyz ózgerip otyrǵan zaman ómir boıy sapaly bilim alý úshin kúshimizdi biriktirip, senimdi seriktestikti qurýdy qajet etedi», – deıdi UIL dırektory Devıd Echoarena is-shara barysynda.
Onyń aıtýynsha, mundaı tájirıbe almasýdyń óz artyqshylyǵy bar.
– Huawei kompanıasynyń ınovasıalardy úırenýdegi tájirıbesi Jahandyq saýattylyq alánsy úshin úlken artyqshylyq dep aıtýǵa bolady. Osyndaı birlesken jobalar bul qoǵamda eshkimniń artta qalmaýyn qamtamasyz etedi, – deıdi Echoarena.
Huawei korporatıvtik komýnıkasıalar jónindegi Vıse-prezıdenti Vıkı Chjannyń aıtýynsha:
«Ómirde jetistikke jetýdiń joly – durys bilim alý. Tehnologıa sektoryndaǵy álemge áıgili kompanıanyń biri retinde Huawei ózin álemniń túkpir-túkpirinde tehnologıalyq ádis-tásilderdi qamtamasyz etýge jaýapty dep sanaıdy. Sol sebepti ony elge sińirý úshin qoldan kelgenniń bárin jasaýǵa tıispiz. Osy mindetti tıimdi júzege asyrýda IýNESKO-men kúsh biriktirgenimizdi maqtan etemiz».
Huawei sıfrlyq talantty – sıfrlyq transformasıaǵa, senimdi ekonomıkalyq ósýge jáne ómir sapasyn jaqsartýǵa qol jetkizýdiń negizgi faktory dep sanaıdy.
Osyǵan oraı Huawei 2008 jyldan bastap talantty adamdarǵa arnalǵan aýqymdy ári turaqty túrde damyp otyratyn baǵdarlamany usynady. «Seeds for the Future» baǵdarlamasynyń qoldaýymen Huawei jyl saıyn on myńdaǵan adamǵa (jas erekshelikterine qaramastan) stıpendıa men sıfrlyq oqytý kýrstaryn usynady. Sonymen qatar kompanıa stýdentterdiń bilimin jetildire túsetin saıystardy uıymdastyryp qana qoımaı, olardyń baǵaly syılyq ıelenip, jańa dostar tabýyna múmkindik beredi.
Búginde Huawei-diń «Seeds for the Future» baǵdarlamasy 150-den astam elde 2,2 mıllıondaı talantty jastardyń ósýine jol ashty.
Kompanıanyń aqparattyq-kommýnıkasıalyq tehnologıa akademıalary jyl saıyn 200 myńǵa jýyq stýdentti oqytyp jatyr. 2021 jyly Huawei 150 mıllıon AQSH dollaryn ınvestısıalaǵanyn jáne 2026 jylǵa deıin talantty jastardyń bilimin arttyrý úshin taǵy 150 mıllıon AQSH dollar ınvestısıa bóletinin aıtqan edi. Bul baǵdarlamany taǵy 3 mıllıondaı adam paıdalana alady.
https://dalanews.kz/news/83274-qazaq-zhastarynyng-it-industriiadagy-ideia
