Reseidiń "Lýkoil" munai kompaniiasy AQSh pen Ulybritaniia engizgen jańa sanktsiialarǵa jaýap retinde sheteldegi aktivterin satýǵa nietti ekenin málimdedi, dep habarlaidy Dalanews.kz.
Kompaniianyń málimetinshe, aktivterdi satý AQSh Qarjy ministrliginiń Sheteldik aktivterdi baqylaý basqarmasy (OFAC) bergen litsenziia aiasynda júrgizilip jatyr. Bul litsenziia “Lýkoilǵa” qoldanystaǵy kelisimderdi aiaqtaýǵa múmkindik beredi. Qazir kompaniia áleýetti satyp alýshylardan usynystar qabyldap, qajet bolǵan jaǵdaida sheteldik bólimshelerdiń jumysyn turaqty ustaý úshin ruqsat merzimin uzartýǵa ótinish bermek.
Buǵan deiin AQSh pen Ulybritaniia “Lýkoil” men “Rosneft” kompaniialaryn sanktsiialyq tizimge engizip, seriktesterine 21 qarashaǵa deiin barlyq operatsiiany aiaqtaýǵa ýaqyt bergen edi.
“Lýkoil” búginde 11 elde barlaý jáne óndirý jobalaryna qatysady. Solardyń qatarynda Qazaqstan da bar: kompaniianyń úlesi “Teńizshevroil” konsortsiýmynda – 5%, Kaspii qubyr konsortsiýmynda (KTK) – 12,5%, al “Qalamqas-Hazar” jobasynda – 50%.
Aita ketsek, OFAC TShO men KTK jobalaryna qatysty operatsiialardy jeke litsenziiamen sanktsiia áserinen bosatqan.
