Búgin «Aq jol» respýblikalyq shtabynyń músheleri Qostanai qalasyna keldi. Partiia lideri Azat Perýashev, «Aq jol» QDP Qostanai oblystyq filialynyń tóraǵasy Mahabbat Jutaev jáne Májilis pen jergilikti máslihat depýtattyǵyna kandidattar «Beef Export Group» JShS eńbek ujymymen kezdesti.
Kásiporyn etti qaita óńdeý, konservileý jáne satýmen ainalysatyn elemizdegi birden-bir nysan bolyp tabylady. Sailaý shtabynyń músheleri kásiporynnyń jumysymen, ónimderimen tanysty.
Jiyn barysynda partiia tóraǵasy «Aq jol» dempartiiasy jumys istep jatqan alty negizgi baǵyttaryn atady.
Táýelsizdik jáne «Alash» ulttyq ideiasy, demokratiia jáne parlamentarizm, jemqorlyqpen kúres jáne de-ofshorizatsiiamen kúres, áleýmettik ádilettilik, naryqtyq ekonomika jáne kásipkerlikti qoldaý, syrtqy saiasat.
Partiia basshysy demokratiia jáne parlamentarizm taqyrybyna, memlekettik biýdjetti bekitý men baqylaýdaǵy Parlamenttiń ókilettigin kúsheitý, sheteldik investorlarmen kelisim-sharttardy qaita qaraý máselelerine jan-jaqty toqtaldy.
– Ádilettilik adam quqyǵyna ǵana qatysty emes, sonymen qatar, áleýmettik salada da, ekonomikada da ádildik bolýy kerek, mysaly, ádil salyq salý. «Aq jol» dempartiiasy salyq, investitsiialyq, qarjylyq zańnamany jetildirý boiynsha toqtaýsyz jumys isteýde, – dedi Azat Perýashev.
Sonymen qatar, kópshilikti zeinet jasy, ipotekalyq nesieleý, jeke tulǵalardyń bankrottyǵy máseleleri qyzyqtyrdy.
Partiia kóshbasshysy 3 naýryzda «Aq jol» dempartiiasy 8 jyldan beri talap etip kelgen jeke tulǵalardyń bankrottyǵy týraly zańnyń kúshine engenin eske saldy. Prezident Qasym-Jomart Toqaevtyń tikelei tapsyrmasynan keiin ǵana is alǵa jyljydy.
Kezdesý ashyq ári erkin pikiralmasý túrinde ótti.
– Azat Turlybekuly, kelgenińizge rahmet. Bizdiń eńbek ujymy «Aq jol» partiiasynyń saiasatyn tolyqtai qoldaidy. Sizben tanysqan kezde bizdiń kompaniia daǵdarysty jaǵdaida boldy. Sizge alǵysym sheksiz, óitkeni siz eshteńege qaramastan bizdiń máselemizge tereńirek úńilip, ádildik úshin tabandylyq tanyttyńyz. Sonyń arqasynda osy kásiporynnyń qurylysyn aiaqtadyq.
2020 jyly Beefstream kompaniiasynyń esepshottary buǵattalǵandyqtan, 50 adam jumyssyz qaldy. Biraq osy kompaniiany salyp, munda adamdardy jartylai jumyspen qamtydyq. Ol bolmasa, biz bul jerde turmas edik.
Qansha qylmystyq is qozǵalǵanyn, qansha qysym jasalǵanyn bilseńiz ǵoi. Biraq sizdiń qoldaýyńyzdyń arqasynda biz qazir jumysty jalǵastyrýdamyz. Alda talai ister kútip tur. Sondyqtan, bizdiń eńbek ujymy partiia ideiasyn, partiia saiasatyn tolyq qoldaidy jáne «Aq jol» partiiasynyń qataryna qosylýdy qalaidy, – deidi seriktestik basshysy Aleksandr Parhomenko.
Azat Perýashev et kombinatynyń ujymyna alǵys bildirip, baǵa turaqtylyǵyn qamtamasyz etip otyrǵan salalardy atady. Kompaniianyń birneshe qyzmetkerine «Aq jol» demokratiialyq partiiasynyń partbiletteri tabystaldy.
Sol kúni «aqjoldyqtar» «Terra» kompaniiasynyń kókónis qoimasy jáne «ABZ Pliýs» JSh-niń de eńbek ujymdarymen kezdesti.
Azat Perýashev partiianyń saiasi baǵdarlamasyn tanystyryp, basym baǵyttaryn jan-jaqty túsindirip berdi. «Aq jol» dempartiiasynyń ekonomikany liberalizatsiialaýǵa qatysty usynystaryna airyqsha toqtaldy.
– Bizdiń partiia 2011 jyldan bastap salalyq salyq mólsherlemelerine kóshýdi usynyp keledi. Sebebi, bizde azyq-túlik pen kiim-keshek óndirýshileri munai, gaz, metaldarymyzdy eksporttaýshy, ózgeniń taýaryn importtaýshy iri kompaniialarmen birdei QQS tóleidi. Al, barlyq kásipkerler men halyq bereshek bolyp otyrǵan bankter QQS-tan múldem bosatylǵan.
Osy oraida, Eýropada jáne basqa da damyǵan elderde (EYDU) saralanǵan salyq stavkalary burynnan bar, áleýmettik jáne mańyzdy sala kásipkerleri salyqty az tóleidi.
Mysaly, aýyl sharýashylyǵy, aýyl sharýashylyǵy ónimderin óńdeý, azyq-túlik óndirisi, dári-dármek, balalar ónimderi. Biraq, 2011 jyldan beri saralanǵan salyq mólsherlemelerin engizý týraly kóptegen usynystarymyzǵa Úkimet «bul adal básekelestik qaǵidatyn buzý» dep jaýap berip keldi. Kim arasyndaǵy báseke? Bai men kedei arasyndaǵy ma? Munai kompaniiasy men shujyq tsehynyń arasyndaǵy ma? Bul báseke emes, tonalý, — dedi Azat Perýashev.
Eske salaiyq, 2022 jyly Qasym-Jomart Toqaevtyń tapsyrmasynan keiin Salyq kodeksi ázirlene bastady, onda Prezident salalyq salyq mólsherlemelerine kóshýdi tapsyrǵan bolatyn.
Sonymen qatar, Parlamenttik Respýblikanyń erekshelikteri, Úkimettiń esep berý printsipin júzege asyrý, zańnamaǵa «shyqqan deregi belgisiz bailyq» uǵymyn engizý, úkimet músheleriniń, ákimderdiń, ulttyq kompaniia basshylarynyń offshorlyq bank shottaryna qatysty banktik qupiiany joiý máseleleri talqylandy.
Partiia tóraǵasy «Aq jol» árqashan otandyq taýar óndirýshilerdi qoldap, qarapaiym azamattardy qorǵaitynyn atap ótti. Mysal retinde ol jeke tulǵalardyń bankrottyǵyn engizýge qatysty partiia men Ulttyq bank arasyndaǵy 8 jylǵa sozylǵan tartys jaily aityp berdi.
Munan soń, «Aq jol» dempartiiasynyń kandidattary «ABZ pliýs» JShS eńbek ujymymen kezdesti.
Birneshe jyl buryn «Aq jol» dempartiiasy kásiporyndy bankrottyqtan saqtap qalǵan bolatyn. Salyq organdary kásiporynǵa 3,5 milliard teńge aiyppul salǵannan soń, «Aq jol» partiiasynyń tóraǵasy Bas prokýrorǵa, Joǵarǵy sotqa jáne Úkimetke saýal joldaǵan bolatyn.
«Aq jol» dempartiiasy salyq aiyppulynyń qate eseptelgenin dáleldep, jumys oryndaryn saqtap, kásiporyndy qorǵap qala aldy. Bul týraly kompaniia direktory Nikolai Lobanovtyń ózi aityp, «Aq jol» partiiasyna alǵys bildirdi.
Partiialyq baǵdarlama tanystyrylǵannan keiin kásiporyn qyzmetkerleri erkin áńgime barysynda ipotekalyq nesieleý, zeinet jasyn tómendetý, ziiandy jáne qaýipti eńbek jaǵdailary bar jumysshylardyń 1 jáne 2 tizimderin qaitarý, jalaqyny kóterýge qatysty suraqtaryn qoidy.
– Muǵalimder men dárigerlerdiń, biýdjettik jáne áleýmettik qyzmetkerlerdiń jalaqysy únemi kóteriledi, al biz sekildi kóshede jumys isteitin qarapaiym jumysshylar múldem eskerilmeidi. Osy máseleni Úkimet aldynda kótere alasyz ba? – dep ótinish bildirdi kásiporyn qyzmetkerleriniń biri.
Kásiporyn basshysy Nikolai Lobanovtyń aitýynsha, biylǵy jylǵa deiin kóshelerdi qardan tazartý boiynsha memlekettik satyp alýda bir qyzmetkerge saǵatyna 700 teńge tarif bekitilgen, bul shyn máninde jetkiliksiz jáne 80-90 myń aralyǵyndaǵy jalaqy sodan qalyptasady, al jol salasyndaǵy jumysshylardyń eńbegi óte aýyr.
«Aq jol» dempartiiasy Qostanai oblystyq filialynyń tóraǵasy, oblystyq máslihattyń eki shaqyrylymynyń depýtaty bolǵan Mahabat Jutaev taiaýda ǵana tarif qaita qaralyp, 1400 teńgege deiin kóterilgenin atap ótti.
Sondai-aq, turǵyn úi men onyń jalǵa alý baǵasynyń qymbattaýyna, jastarǵa qoljetimdi baspananyń joqtyǵyna qatysty shaǵymdar aityldy.
«Aq jol» dempartiiasy aldaǵy ýaqytta da Parlamentte júieli problemalardy Úkimet aldynda kóteretin bolady», - dep sendirdi respýblikalyq shtab músheleri.
*Materialdyń aqysy «Aq jol» demokratiialyq partiiasynyń sailaý qorynan tólendi.
