Aqtóbede onlain kazino uiymdastyrǵan 9 adam sottaldy, dep habarlaidy Dalanews.kz.
bingo37.pro qosymshasy arqyly zańsyz oiyn biznesin uiymdastyryp, qylmystyq kiristi zańdastyrǵan toptyń uiymdastyrýshylary men qatysýshylaryna sot úkimi shyqty.
Qatysýshylardan túsetin aqsha aýdarymdaryn operatorlar qabyldap, olardy platformada tirkep, árqaisyna login, qupiiasóz jáne oiyndarǵa kirýge silteme bergen.
QMA málimetinshe, kún saiyn 150 000-nan 200 000 teńgege deiin tabys túsip otyrǵan. Qylmystyq kiristi jylystatý maqsatynda alaiaqtar dropperlerdi tartqan. Uiymdastyrýshylardyń biri 2020 jyly dál osyndai qylmys boiynsha qolǵa túsip, jazalanǵan bolatyn, biraq soǵan qaramastan zańsyz qyzmetin toqtatpaǵan.
"Sot úkimimen toǵyz adamǵa 2 jyldan 9 jylǵa deiin bas bostandyǵynan aiyrý jazasy taǵaiyndaldy. Sonymen qatar, úsh kólik tárkilendi", - dep jazylǵan habarlamada.
