Ekibastuz qalasynda erekshe qajettiligi bar búldirshin damytý ortalyǵyndaǵy beiimdelgen dene shynyqtyrý sabaǵynan soń jaraqat aldy. Osy oqiǵaǵa bailanysty politsiia tergeý bastady, dep habarlaidy Dalanews.kz.
Áleýmettik jelide taraǵan beinejazbada jattyqtyrýshynyń qyz balaǵa dóreki qimyl tanytyp, qolynan tartyp, laqtyryp jibergeni baiqalady. Týystarynyń aitýynsha, balanyń qolyna gips salynǵan.
Pavlodar oblysynyń bala quqyqtary jónindegi ýákili Sáýle Shákenevanyń habarlaýynsha, qyz bala qazir úiinde, jaǵdaiy birqalypqa kele bastaǵan. Atalǵan derek boiynsha Qylmystyq kodekstiń 140-babynyń 2-bóligine sáikes is qozǵaldy. Bul bapta balamen qatygezdik tanytyp, tárbieleý mindetin tiisinshe oryndamaǵan adamǵa eki jylǵa deiin bas bostandyǵynan aiyrý jazasy qarastyrylǵan.
