Aimaqtaǵy pedagogtarmen ótken kezdesýde partiianyń sailaýaldy baǵdarlamasynyń bilim berý salasyndaǵy basymdyqtary talqylandy.
«AMANAT» Tóraǵasy Erlan Qoshanov bul salada azamattardyń oryndy narazylyǵyn týdyratyn birqatar sheshilmegen másele bar ekenin atap ótti.
«Úsh aýysymdy jáne apatty jaǵdaidaǵy mektepter, mektepke deiingi bilim berý mekemelerdegi oryn tapshylyǵy, mektep oqýshylarynyń shamadan tys júktemesi, aýyl men qaladaǵy bilim berý sapasyndaǵy teńsizdik máseleleri bar. Elimizdiń árbir turǵyny sapaly bilimge qol jetkize alýy tiis», – dedi Erlan Qoshanov.
Óz kezeginde kezdesýge qatysýshylar kitaphanashylardyń, zerthanashylardyń jáne basqa da tehnikalyq qyzmetkerlerdiń jalaqysyn kóterý máselesin qozǵady. Bul problemany bilim berý mekemelerinde jan basyna shaqqandaǵy qarjylandyrý normativin ulǵaitý arqyly sheshýge bolady.
Budan soń partiialyqtar «Jan-Arai» kópbeiindi agroindýstriialyq keshen alańynda Y.Jaqaev atyndaǵy Qazaq kúrish sharýashylyǵy ǴZI ujymymen jáne oblystaǵy kúrish ósirýshilerimen kezdesti.
Ashyq áńgime barysynda egin sýaratyn sý tapshylyǵy, sýbsidiialaý júiesindegi jáne taǵy basqa da máseleler talqylandy.
Kezdesýge qatysqan "Aýyl" partiiasynyń múshesi "Amanat-tyń" sailaýaldy baǵdarlamasyna oń baǵa berdi.
"Álbette, ózimizdiń partiiaǵa birinshi kezekte tilektespin. Degenmen, sizder usynǵan jobamen de tanysyp shyqtym. Májiliste tek bir partiianyń depýtattary otyrmaityny belgili, onyń ústine majoritarlyq júie táýelsiz kandidattarǵa jol ashty. "Amanat-tyń" baǵdarlamasy kóńilimnen shyqty. Aýyl sharýashylyǵy, sonyń ishinde agrarlyq ǵylymǵa airyqsha nazar aýdarypsyzdar. Sizderge sáttilik tileimin", – dedi "Aýyl" partiiasynyń belsendisi.
[video width="848" height="464" mp4="https://dalanews.kz/wp-content/uploads/2023/03/video-amanat.mp4"][/video]
Óz kezeginde "Amanat" tóraǵasy Erlan Qoshanov aýyl sharýashylyǵyn qoldaý máselesinde barlyq partiialar jumylyp jumys isteý kerektigin atap ótti.
"Aýyl sharýashylyǵyn sóz etkende eń aldymen aýyzbirshilik kerek. Bútin bir salany birlesip kóterý kerekpiz. Bul máselede "Aýyl" partiiasynyń qoltyǵynan demeitin bolamyz. Sizdermen qoiyn-qoltyqtasyp jumys isteýge daiynbyz", – dedi ol.
