Reseilik ánshi Akmal Hodjaniiazovtyń (Akmal) Pavlodar men Óskemendegi kontsertteri ótpeitin boldy, dep habarlaidy Dalanews.kz.
Pavlodarda ótetin eki kontsert 28 qazanda Estai atyndaǵy Mádeniet saraiynda josparlanǵan edi. Alaida Mádeniet saraiy ákimshiligi ǵimaratta kommýnaldyq aqaýlarǵa bailanysty kelesi kúnderi jabyq bolatynyn habarlady. Sondai-aq ártistiń Óskemendegi kontserti de ótpeitin boldy. Bul týraly ánshi óz tyńdarmandaryna Instagram arqyly habarlady.
Buǵan deiin reseilik ánshi Petropavldaǵy kontsertinen keiin qoǵamnyń narazylyǵyna tap bolǵan edi. Sol kontsert kezinde kórermenderdiń biri sahnaǵa shyǵyp, ánshige syilyq salynǵan paket bergen.
Syilyqty alǵan Akmal sahnadan:
"Bul paketti órtep jiberińiz, túsi unamai tur", – degen.
Al paket kók jáne sary tústi bolǵan – bul Qazaqstan týynyń tústerimen sáikes keledi. Ánshiniń bul sózi áleýmettik jelilerde úlken syn týǵyzdy. Kóptegen qoldanýshy ony ulttyq rámizderdi qorlaý dep atap ótti.
Keiin Akmal-dyń Qostanaidaǵy kontserti de ótpei qaldy – resmi sebep retinde jaryqtandyrýdaǵy tehnikalyq aqaýlar kórsetildi.
Qazaqstandyq jýrnalist Rishat Asqarbekuly bul jaǵdaiǵa qatysty oiyn ashyq jazǵan.
"Nebári 21 jasta, endi ǵana tanylyp kele jatqan munyń saiasatta nesi bar deseshi?! Óziniń shyqqan jeri Ortalyq Aziiadan. Biraq soltústiktegi kórshiniń propagandasymen miy ýlanǵan eken. Dál osy kórinis qaznettiń ashýyn týǵyzyp, reseilik ánshiniń bul áreketi qyzý talqylanyp jatyr. Kók pen sary tús tek Ýkraina emes, Qazaqstan týynda da bar. Bul bizdi syilamaýshylyq jáne el rámizderine degen qurmetsizdik dep pikirlerler jazyldy", - deidi ol.
Akmal Abdýlhalitovich Hodjaniiazov - Akmal’ laqapatymen belgili Resei ánshisi, uiǵyr ultynyń ókili, Túrikmenstanda týǵan. "Iz-za tebia", "Vdol dorog" jáne "Po poliýshký" atty hittarymen tanymal.
