Sinoptikter aldaǵy kúnderi aýa raiy qandai bolatynyn aitty, dep habarlaidy Dalanews.kz.
Aldaǵy kúnderi Atlant tsiklonynyń áserinen Qazaqstannyń batys óńirlerinde jańbyr jaýyp, jeldiń kúsheiýi kútiledi. Soltústik, ortalyq jáne shyǵys aimaqtarda osy kúnderi negizinen jaýyn-shashynsyz aýa raiy saqtalady, tek 30 qazan kúni kúndiz jaýyn-shashyn soltústikke de jetedi. Eldiń ońtústiginde atmosferalyq fronttardyń ótýimen jańbyr jaýyp, taýly aimaqtarda túnde jańbyr men qar túrinde jaýyn-shashyn kútiledi.
Respýblika boiynsha túngi jáne tańerteńgi saǵattarda tuman túsýi yqtimal.
Kúndizgi aýa temperatýrasynyń kóterilýi boljanady: soltústikte +10…+15°S, ortalyq pen shyǵysta +10…+18°S, ońtústikte +20…+28°S deiin jyly bolady.
Al batys jáne ońtústik-shyǵysta azdap salqyndap, +9…+17°S shamasynda kútiledi.
