Resei tarapy Semei men Óskemen qalalarynda jańa jylý elektr ortalyqtaryn (JEO) salý jobalaryna qarjylai qoldaý kórsetýi ne merdiger retinde qatysýy múmkin. Bul týraly “Samuryq-Energo” aktsionerlik qoǵamynyń basqarma tóraǵasy Qairat Maqsutov málimdedi, dep habarlaidy Dalanews.kz.
"Biz qarjylandyrýdyń túrli kózin qarastyryp jatyrmyz: óz qarajatymyz esebinen de, sondai-aq Resei usynǵan qarjy múmkindikterin de. Bul usynys eki el arasyndaǵy úkimetaralyq kelisim aiasynda jasaldy. Qazir reseilik tarappen qarjylandyrýdyń túpkilikti sharttaryn talqylap jatyrmyz. Ázirge naqty sheshim qabyldanǵan joq", – dedi Maqsutov.
Onyń aitýynsha, keiinirek jobanyń merdigeri anyqtalady. Bul róldi reseilik kompaniia nemese halyqaralyq konsortsiým atqarýy múmkin.
Jańa jylý elektr ortalyqtarynyń qurylysy 2029 jyldyń ekinshi jartysynda tolyq aiaqtalady dep josparlanyp otyr.
