Úndistannyń Haidarabad qalasynda ornalasqan Bharat Biotech International Limited kompaniiasynyń ǵalymdary jershary turǵyndarynyń mazasyn qashyrǵan Zika virýsyna qarsy vaktsina oilap tapqandaryn málimdedi.
– Biz Zika virýsyna qarsy birinshi bolyp vaktsina oilap taptyq. Ózimizdiń ǵylymi-zertteý jumystarymyz ben ónimimizdi tiisti oryndarǵa 9 ai buryn tapsyrǵanbyz. Qazir bizdiń vaktsina jan-jaqty synaqtan ótip jatyr, – dedi.
Mamandar jańa vaktsinany janýarlarǵa, sodan keiin adamdarǵa egip, synaqtan ótkizý úshin biraz ýaqyttyń qajet ekenin alǵa tartýda.
Zika derti – maimyldar arasynda kezdesetin qaterli infektsiialyq aýrýdyń bir túri. Ol adamdarǵa masa men shybyn-shirkeiler arqyly juǵatyny belgili. Qazirgi tańda bul dertke jersharynyń biraz adamy shaldyǵyp, shuǵyl kómekti qajetsinýde. Mamandar Zika virýsynan aiaǵy aýyr áielder qatty saqtanýy kerek ekenin eskertýde. Eger ol júkti áieldiń aǵzasyna ense, bolashaq sábidiń miyn zaqymdaýy múmkin.
Adam embrionyn zertteýge ruqsat berildi
Britaniianyń Frensis Krik atyndaǵy ǵylymi-zertteý institýtynyń doktory Keti Niakan alǵash ret adam balasynyń embriondaryna genetikalyq-modifikatsiialyq synaq júrgizý úshin Britaniianyń uryqtandyrý jáne embriologiia qyzmetinen ruqsat aldy. Ázirshe ǵalymdardyń bul baǵytta zertteý jumystaryn júrgizýin qoldap, qarsylyq kórsetip jatqan toptar jetedi.
Sýda júzetin stansa
Jurtty tańǵaldyrýdan japondar sý betinde júzip júretin alyp elektr stansasynyń qurylysyn aiaqtaǵanyn málim etti. Kún kózinen qýat óndiretin stansa Smart Energy kompaniiasynyń qarajatyna salynǵan.
2011 jyly Japoniiada «Fýkýsima-1» AES apatqa ushyraǵannan keiin japon biligi dástúrli emes qýat kózderin damytyp, atom energetikasynan bas tarta bastaǵany belgili. Qazir bul baǵyttaǵy jumystar qarqyndy túrde júrip jatyr. Sýda júzetin elektr qýatyn óndiretin alyp stansanyń paida bolýy sonyń aiqyn dáleli.
