Pedagogikalyq sheberlik ortalyǵy elimizde alǵash ret Eýropalyq akkreditteý, sertifikattaý jáne sapany qamtamasyz etý institýtynyń (ACQUIN) institýtsionaldyq akkreditatsiiasyn aldy. Jańa moiyndaý Qazaqstannyń álemdik bilim keńistigine jahandyq integratsiiasyn jalǵastyrady.
ACQUIN shtab-páteri «Nazarbaev Ziiatkerlik mektepteri» derbes bilim berý uiymyn Pedagogikalyq sheberlik ortalyǵynyń jańa jahandyq jetistigi – institýtsionaldyq akkreditatsiia alýymen quttyqtady. Resmi jedelhatta qazaqstandyq ortalyq Institýt tarihynda akkreditatsiiadan shartsyz, eń uzaq merzimge jáne birde-bir túsiniktemesiz ótken alǵashqy pretsedent ekeni atap ótilgen.
– Ortalyqtyń úlken missiiasy – ol búkil ulttyq bilim berý júiesin jetildirýge baǵyttalýynda. Meni biregei jobalardyń aýqymy tánti etti. Qazaqstanǵa kelip, biz akkredittegen Ortalyqtyń qalai jumys isteitinin óz kózimmen kórýdi armandaimyn, – dedi ACQUIN eń bedeldi sarapshylarynyń biri Daniel Rellstab.
Shtab-páteri Bairoit qalasynda ornalasqan, Eýropalyq reestrde tirkelgen ACQUIN bedeldi akkreditteý agenttigi – bilim berý sapasyn qamtamasyz etýge baǵyttalǵan barlyq halyqaralyq qaýymdastyqtardyń jáne jobalyq bastamalardyń múshesi. Baǵdarlamalyq jáne institýtsionaldyq akkreditteý, sondai-aq ǵylymi zertteýlerdiń halyqaralyq protsedýralary uiymnyń strategiialyq basymdyqtary sanalady.
Institýtsionaldyq akkreditteý Pedagogikalyq sheberlik ortalyǵy álemdik jetistikteriniń úlken seriiasynyń zańdy jalǵasy atandy. PShO otandyq qosymsha kásiptik bilim berý júiesinde birinshi bolyp avtorlyq baǵdarlamalaryn syrtqy saraptamaǵa usyndy. Birneshe jyl ishinde Ortalyq bedeldi Eýropalyq institýttan on bir baǵdarlama akkreditatsiiasyn aldy, olar mekteptegi jáne pedagogikalyq qaýymdastyqtaǵy muǵalimderdiń kóshbasshylyǵyna, muǵalimder tájiribesindegi sabaqty zertteýge, ártúrli pánder boiynsha bilim berý kýrstaryna jáne basqa da kásibi damýdyń ózekti basymdyqtaryna arnalǵan.
Eýropalyq agenttiktiń syrtqy aýditi sapa saiasatyna, baǵdarlamalardy ázirleý men bekitýdiń ashyq jáne standarttalǵan protsedýralaryna, oqytý men baǵalaýdyń joǵary deńgeiine, turaqty resýrstyq bazaǵa, sondai-aq júielik monitoringtiń tabystylyǵyna sáikestigin dáleldedi.
Ótken jyldyń qańtarynda Germaniianyń Bairoit qalasynda ACQUIN shtab-páterinde muǵalimderdiń kásibi biliktiligin arttyrý boiynsha «Mektep ujymy: tiimdi basqarý jáne bilim sapasy» baǵdarlamasyna shartsyz akkreditteý sertifikaty berildi. Arnaiy seminarda nemis sarapshylary baǵdarlamany baǵalaý kontekstinde ESG qaǵidattary boiynsha tabysty jumys isteitin qazaqstandyq muǵalimderdiń joǵary kásibi standarttaryn atap ótti. Environmental Social Governance – bul kompaniianyń turaqty damýyn baǵalaýdyń sheshýshi faktorlary sanalatyn ekologiialyq, áleýmettik jáne korporativtik basqarý.
Árbir ACQUIN sarapshysy búkil komandanyń, ásirese, trenerler quramynyń absoliýtti kásibiligin erekshe atap ótti. Institýttyń akkreditteý bóliminiń aitýynsha, sertifikattaý boiynsha jumys istegen halyqaralyq sarapshylar PShO kásibi komandasynyń tabysty sheshimderin óz elderiniń ulttyq bilim berý júiesine engizýge daiyn ekenin jetkizgen.
– Pedagogikalyq sheberlik ortalyǵynyń institýtsionaldyq akkreditatsiiasy strategiiaǵa absoliýtti sáikestigin jáne menedjmenttiń biregeiligin, sondai-aq jalpy kompaniianyń tabysy men aýqymyn dáleldedi, – dep atap ótti ACQUIN.
Institýtsionaldyq akkreditatsiiany alý Pedagogikalyq sheberlik ortalyǵynyń Qazaqstanda biliktilikti arttyrýdyń vaýcherlik-modýldik júiesin engizýge daiyndyǵyn da rastaidy. 2006 jyly vaýcherlik tásil ideiasy tabysty innovatsiia retinde Garvard ýniversitetinen syilyq aldy. Qazir atalǵan júie Finliandiia, Ulybritaniia, Ispaniia, Qytai, AQSh, Litva jáne basqa elderde belsendi túrde júzege asyrylýda.
– ACQUIN kompaniiasymen tikelei jumys istegen Tolqyn Aidosova, Baian Ismagýlova, Irina Entina, Gúlmira Esenova, Gúlmira Rahimova, Irina Aýsheva, Jaqsylyq Pirmaǵambetti kúnniń basty keiipkerleri dep ataýǵa bolady. Jalpy alǵanda, institýtsionaldyq akkreditteý – bizdiń Ortalyqtyń ujymdyq jetistigi, óitkeni ol – búkil kompaniianyń júieli jumysyn jan-jaqty baǵalaityn qurylymdyq syrtqy aýdit, – deidi Pedagogikalyq sheberlik ortalyǵynyń direktory Janbota Kabdykarimova.
Qazaqstandyq áriptesterin birinshi bolyp quttyqtaǵan Eýropalyq Odaq baǵdarlamasynyń basshysy Shtefan Zivert:
– PShO-men birge biz Tájikstan Respýblikasynyń ulttyq bilim berý júiesin ilgeriletý jónindegi EO jobasy aiasynda sátti jumys isteýdemiz jáne seriktesterimizdiń jańa jetistigin maqtan tutamyz.
Bairoittan qýanyshty habar Dúniejúzilik Lesson Studies qaýymdastyǵynyń resmi saitynda qyrkúiekte Astanada josparlanǵan halyqaralyq konferentsiiaǵa tirkelý bastalǵanda keldi. WALS-tyń basty forýmy tarihta alǵash ret postkeńestik keńistikte – Qazaqstanda ótedi. Ártúrli elder men mektepterdegi sabaqty zertteýge mamandanǵan muǵalimder alǵashqy ótinimderin jiberip úlgerdi. Astanaǵa 50-den astam elden – Ulybritaniia, Singapýr, Japoniia, Finliandiia, Malaiziia, Avstriia, Qytai, Amerika Qurama Shtattary, Gonkong, Túrkiia jáne t.b. iri delegatsiia ushyp kelýdi josparlaýda.
Mira Alipinova
Foto Vasiliia Krasia
