Sý resýrstary jáne irrigatsiia ministri Nurjan Nurjigitov Aqtóbe sý qoimasyn aralap, tasqyn sýyn ótkizý barysymen tanysty, – dep habarlaidy Dalanews.kz.
– «Qazsýshar» RMK, jergilikti atqarýshy organdar men tótenshe jaǵdailar departamentiniń qyzmetkerleri birlese jumys istep, tasqyn sýyn qaýipsiz ótkizýdi qamtamasyz etti.
«Qazgidromet» boljamy boiynsha, 30 naýryzdan 5 sáýirge deiin Aqtóbe sý qoimasyna 210 mln tekshe metr, Qarǵaly sý qoimasyna 180 mln tekshe metr sý kelýi múmkin.
Sondyqtan biz sý qoimalarynyń jumys kestesin ózara úilestirýimiz kerek. Qazir biz «Qazsýshar» RMK júrgizip jatqan jumysty taldap, qajetti sheshim qabyldaimyz, – dedi Sý resýrstary jáne irrigatsiia ministri Nurjan Nurjigitov.
