Meditsinalyq týrizm – bul eldiń ekonomikalyq jáne áleýmettik damýynyń perspektivaly baǵyttarynyń biri, ony ilgeriletý birinshi kezekte elordaǵa da, jalpy respýblikaǵa da týristik aǵymdy ulǵaitýǵa, densaýlyqty jaqsartýǵa, meditsinalyq qyzmetterdiń sapasyn arttyrýǵa yqpal etetin bolady.
– Meditsinalyq týrizm boiynsha elordaǵy keletin sheteldikterdiń 90%-yn TMD elderi, iaǵni, Resei, Qyrǵyzstan jáne Ózbekstan azamattary qurap otyr. Qalǵan 10% – Qytai, Iran, Belarýs azamattary. Elordadaǵy meditsinalyq uiymdardyń negizgi artyqshylyqtary – zamanaýi meditsinalyq tehnologiialarǵa jáne jańa obektilerge qol jetkizgen. Budan basqa sapa standarttary, meditsinalyq qyzmetterdiń qolaily quny, TMD elderiniń azamattary úshin tildik kederginiń bolmaýy, damyǵan týristik infraqurylymnyń bolýy negizgi qozǵaýshy kúsh bolyp otyr, – dep atap ótti spiker.
Eger baǵa boiynsha salystyrmaly taldaý jasalsa, onda júrekti ainalyp ótý hirýrgiiasy AQSh-qa qaraǵanda 80 ese arzan, Singapýrǵa qaraǵanda 11 ese arzan.
– Meditsinalyq týrizmdi damytý aiasynda «Qazaqstandyq meditsinalyq týrizm qaýymdastyǵy» ashylǵan. Onyń basty maqsaty jergilikti turǵyndar men sheteldik týrister arasynda meditsinalyq týrizmdi dáripteý úshin meditsinalyq uiymdar men týristik sala ókilderin biriktirý bolyp sanalady. Patsienttermen jumys boiynsha servis-menedjmentti damytý jáne gospitaldyq servis sapasynyń standarttaryn arttyrý úshin halyqaralyq spikerlerdi tarta otyryp, meditsinalyq uiymdardyń qyzmetkerleri úshin kýrstar, seminarlar jáne sheberlik synyptary ótkizildi, – dep tolyqtyrdy Darina Demian.
