Sot barysynda tergeýshiniń aıyptalýshy Arkadıı Klebanovqa medısınalyq sıpattaǵy májbúrleý sharalaryn qoldaný týraly qaýlysy qaraldy.
Birqatar jábirlenýshiniń tarapynan sotty jabyq ótkizý týraly ótinish túskeni belgili boldy.
"Sot atalǵan adamdar men olardyń otbasy músheleriniń jeke ómirine qatysty málimetterdiń jarıa etilýine jol bermeý qajettigin eskere otyryp, osy ótinishterdi qanaǵattandyrdy. Budan ári sot talqylaýy jabyq rejımde júrgiziletin bolady", – dep habarlady sottyń baspasóz qyzmeti.
Aıta ketelik, Almatyda 14 qyrkúıekte jýrnalıserge shabýyl isi boıynsha sot prosesi bastaldy. Zardap shekkenderdiń arasynda jýrnalıs Samal Ibraeva, YouTube bloger Badım Báreıkó, sondaı-aq jýrnalıser men qoǵam belsendileri Gúlnar Bájkenova, Gúljan Erǵalıeva, Dınara Egeýbaeva jáne Roman Egorov bar.
İshki ister mınıstrliginiń habarlaǵanyndaı munyń artynda Arkadıı Klebanov esimdi Qazaqstan azamaty turǵan. Qazaq jýrnalıserine qastandyq jasaýdy kózdegen Klebanovqa Qylmystyq kodekstiń 115-baby «Qorqytý», 147-baby «Jeke ómirge qol suǵylmaýshylyqty buzý», 158-baby «Jýrnalısik qyzmetke kedergi jasaý», 202-baby «Bótenniń múlkin qasaqana joıý nemese búldirý» jáne 293-baby «Buzaqylyq» boıynsha qylmys jasady degen aıyp taǵylyp otyr.
«Óziniń zańsyz josparlaryn júzege asyrý úshin Klebanov-Manevıch hakerler men áreketterdi oryndaýshylar tobyn jaldady. Ol arandatýshylyqtyń maqsattary men nusqalaryn ózi tańdady. Ol krıptovalútamen operasıalardan túsken paıdadan oryndaýshylarǵa qalamaqy tóledi”, – delingen İİM habarlamasynda.
Jaýap alý kezinde ol shabýyldy óz betinshe uıymdastyrǵanyn, sebebi qazaqstandyq birqatar BAQ ókilderine burynnan kele jatqan talaby bar ekenin aıtqan.
