«Týristik Qamqor» qory Birikken Arab Ámirlikterine (BAÁ) saparlaityn qazaqstandyqtarǵa týrkod berý qaita jandanǵanyn habarlady. Qazirgi ýaqytta uiymdastyrylǵan týrlar úshin týrkod rásimdeýge eshqandai shekteý joq, dep habarlaidy dalanews.kz.
Eske salsaq, 28 aqpanda Taiaý Shyǵystaǵy turaqsyz jaǵdaiǵa bailanysty qor óńirdiń birqatar eline týrkod berýdi ýaqytsha toqtatqan bolatyn. Sonymen qatar Iran, Izrail, Siriia, Irak, Iordaniia jáne Livannyń áýe keńistiginde jáne oǵan jaqyn aýmaqtarda ushýǵa tolyq shekteý engizilgen edi.
Al 1 qazannan bastap týroperatorlar men týristik agenttikter Birikken Arab Ámirlikterine uiymdastyrylǵan týr satyp alatyn qazaqstandyqtarǵa qaitadan týrkod rásimdei alady.
Týrkod – shetelge daiyn týristik paket satyp alǵan kezde beriletin biregei áriptik-sandyq kod. Ol týristiń quqyqtary men qarjylyq qaýipsizdiginiń qorǵalǵanyn rastaidy.
