Memleket basshysy QHR Tóraǵasyna quttyqtaý jedelhatyn joldady, dep habarlaidy dalanews.kz.
Qasym-Jomart Toqaev Si Tszinpindi Qytai Halyq Respýblikasy qurylǵanyna 77 jyl tolýymen quttyqtady.
"Uly Qytai tarihynda jańarý men jańǵyrýdyń biregei nyshany bolǵan bul kúnniń orny erekshe. Elińiz ózindik dástúri men bai mádenietin saqtap, damý men ekonomikalyq órleýdiń jarqyn úlgisin kórsetip keledi. Ásirese, Qytaidyń ǵylymi-tehnologiia, innovatsiia men tsifrlyq ekonomika salalaryndaǵy tolaǵai jetistikteri jahandy tańǵaldyrdy", – dep jazylǵan jedelhatta.
Qasym-Jomart Toqaev eki el arasyndaǵy dostyq pen tatý kórshilikke negizdelgen máńgi jan-jaqty strategiialyq seriktestik tyń qarqynmen damyp kele jatqanyn atap ótti. Sonymen qatar biyl Shanhaidaǵy júzdesý ózara yqpaldastyqtyń keleshegine degen ortaq kózqarasty bekemdep, san qyrly yntymaqtastyqtyń kókjiegin keńeitýge jol ashqanyna toqtaldy.
Prezident Qytai Tóraǵasynyń jaýapty memlekettik qyzmetine tolaiym tabys, al dostas Qytai halqyna qut-bereke tiledi.
