مەملەكەت باسشىسى قحر تٶراعاسىنا قۇتتىقتاۋ جەدەلحاتىن جولدادى, دەپ حابارلايدى dalanews.kz.
قاسىم-جومارت توقاەۆ سي تسزينپيندٸ قىتاي حالىق رەسپۋبليكاسى قۇرىلعانىنا 77 جىل تولۋىمەن قۇتتىقتادى.
"ۇلى قىتاي تاريحىندا جاڭارۋ مەن جاڭعىرۋدىڭ بٸرەگەي نىشانى بولعان بۇل كٷننٸڭ ورنى ەرەكشە. ەلٸڭٸز ٶزٸندٸك دەستٷرٸ مەن باي مەدەنيەتٸن ساقتاپ, دامۋ مەن ەكونوميكالىق ٶرلەۋدٸڭ جارقىن ٷلگٸسٸن كٶرسەتٸپ كەلەدٸ. ەسٸرەسە, قىتايدىڭ عىلىمي-تەحنولوگييا, يننوۆاتسييا مەن تسيفرلىق ەكونوميكا سالالارىنداعى تولاعاي جەتٸستٸكتەرٸ جاھاندى تاڭعالدىردى", – دەپ جازىلعان جەدەلحاتتا.
قاسىم-جومارت توقاەۆ ەكٸ ەل اراسىنداعى دوستىق پەن تاتۋ كٶرشٸلٸككە نەگٸزدەلگەن مەڭگٸ جان-جاقتى ستراتەگييالىق سەرٸكتەستٸك تىڭ قارقىنمەن دامىپ كەلە جاتقانىن اتاپ ٶتتٸ. سونىمەن قاتار بيىل شانحايداعى جٷزدەسۋ ٶزارا ىقپالداستىقتىڭ كەلەشەگٸنە دەگەن ورتاق كٶزقاراستى بەكەمدەپ, سان قىرلى ىنتىماقتاستىقتىڭ كٶكجيەگٸن كەڭەيتۋگە جول اشقانىنا توقتالدى.
پرەزيدەنت قىتاي تٶراعاسىنىڭ جاۋاپتى مەملەكەتتٸك قىزمەتٸنە تولايىم تابىس, ال دوستاس قىتاي حالقىنا قۇت-بەرەكە تٸلەدٸ.
