Qyrkúiek aiynyń qorytyndysy boiynsha teńge baǵamy AQSh dollaryna shaqqanda 4,6 paiyzǵa nyǵaiyp, bir dollardyń quny 440,49 teńgege deiin tómendedi. Bul týraly Ulttyq bank málimdedi, dep habarlaidy dalanews.kz.
Retteýshiniń dereginshe, qyrkúiekte Qazaqstan qor birjasyndaǵy (KASE) saýda kólemi 10,4 mlrd dollarǵa jetken. Al Ulttyq qordan satylǵan valiýta kólemi 200 mln dollardy qurady. Ulttyq bank bul kezeńde valiýta naryǵyna interventsiia jasalmaǵanyn atap ótti.
«Aldaǵy ýaqytta teńge baǵamynyń qozǵalysyna salyq tólemderi kezeńi, álemdik naryqtaǵy jaǵdai jáne geosaiasi faktorlar áser etedi», – delingen habarlamada.
Sonymen qatar qyrkúiek aiynda altyndy ainaly operatsiialary aiasynda 374 mlrd teńge kólemindegi ótimdilik naryqtan shyǵarylǵan. Al jyldyń tórtinshi toqsanynda shamamen 907 mlrd teńgege balamaly shetel valiýtasyn satý josparlanyp otyr.
Ulttyq bank aldaǵy ýaqytta da ikemdi aiyrbas baǵamy saiasatyn ustanatynyn málimdedi. Vedomstvonyń aitýynsha, bul tásil naryqtaǵy alypsatarlyqtyń áserinen bolatyn kúrt aýytqýlardyń aldyn alyp, eldiń altyn-valiýta rezervterin saqtaýǵa múmkindik beredi.
