Pýtin Qazaqstanǵa kezekti memlekettik sapary aiasynda elimizdiń bedeldi basylymdarynyń biri —"Kazahstanskaia pravda" gazetine maqala jariialady, dep habarlaidy Dalanews.kz.
Munda ol eki el arasyndaǵy yntymaqtastyq týraly sóz qozǵady.
"Memleketaralyq bailanystyń joǵary deńgeiin Qazaqstan Respýblikasynyń Prezidenti Qasym-Jomart Kemeluly Toqaevpen birlesken jumys jyldarynda qalyptasqan tyǵyz jáne meiirimdi jeke qatynastar kýálandyrady. Biz únemi qońyraý shalyp, ártúrli formattarda kezdesemiz. Ekijaqty ózekti máselelerdi talqylap, kún tártibinde turǵan óńirlik jáne jahandyq problemalar týraly pikir almasamyz, keleshekke jańa josparlardy da belgileimiz. Eń bastysy — Qazaqstan Prezidentimen árqashan naqty nátijege baǵdar qoiamyz. Resei-Qazaqstan yntymaqtastyǵynyń odan ári senimdi damýy, elderimizdiń órkendeýi, azamattardyń ómir súrý sapasyn arttyrý úshin barynsha qolaily jaǵdailardy qamtamasyz etý turǵysynda qoldan kelgenniń bárin jasaýǵa tyrysamyz", — deidi V. Pýtin.
Onyń sózinshe, Resei — Qazaqstannyń iri ekonomikalyq seriktesteriniń biri.
"Yntymaǵy jarasqan Qazaqstan men Resei — eýraziialyq ekonomikalyq integratsiianyń belsendi jaqtaýshylary. Bizdiń memleketterimiz Eýraziialyq ekonomikalyq odaq qurýdyń bastaýynda turdy. Onyń aiasynda biz taýarlardyń, kórsetiletin qyzmetterdiń sapasyn arttyryp, kapitaldyń ortaq naryǵyn damytyp otyrmyz, retteýshilik jáne saýda kedergilerin joiý boiynsha aýqymdy jumys atqaryp kelemiz. Ortaq kóliktik-logistikalyq infraqurylymdy damytý isin de qolǵa aldyq. Munyń bári ekonomikanyń túrli salalary boiynsha tiimdi yntymaqtastyq ornatýǵa múmkindik beredi jáne bizdiń elderimizge eleýli paida ákeledi", — dep jazdy V. Pýtin.
Sonymen qatar ol ekijaqty taýar ainalymynyń kórsetkishteri kóńilge senim uialatatynyn atap ótti. Máselen, byltyr bul salada jańa rekord ornap, 28 milliard dollar deńgeiinen asyp tústi, al biylǵy qańtar-qyrkúiek ailarynda 20 milliard dollardan asty. Ózara saýda qurylymy únemi ártaraptanyp keledi jáne qosylǵan quny joǵary shikizattyq emes ónimderdiń úlesi kóbeiýde. Sonymen qatar, ózara esep aiyrysýdaǵy ulttyq valiýtalardyń úlesi turaqty túrde artyp keledi. Bul eki el arasyndaǵy alys-beristi syrtqy, sonyń ishinde saiasi jaǵdailardyń jaǵymsyz áserinen qorǵaýǵa múmkindik beredi
"Qazaqstan ekonomikasyna tartylǵan Resei investitsiiasy da jyldan-jylǵa ósip jatyr. Búginde onyń kólemi shamamen 13 milliard dollarǵa jetti. Qazaqstanda reseilik isker toptardyń qatysýymen 23 myńnan astam kásiporyn jumys isteidi. Eki eldiń kompaniialary ónerkásiptik kooperatsiia men joǵary tehnologiialar salasynda birqatar birlesken iri jobalardy iske asyryp otyr. Sonyń arqasynda ekonomikany keshendi jańǵyrtyp, qos memlekettiń tehnologiialyq egemendigin nyǵaitýǵa yqpal etetin tolyq indýstriialyq tsikldiń jańa óndiristeri jolǵa qoiylyp jatyr", — deidi RF Prezidenti.
Onyń paiymynsha, munai-gaz sektoryndaǵy yntymaqtastyq ta syndarly sipat alǵan. Kaspii qubyr konsortsiýmynyń arqasynda Qazaqstan eksporttaityn munaidyń 80 paiyzdan astamy Resei aýmaǵy men reseilik porttar arqyly Qara teńizben shetel naryǵyna jetkizilip otyr. Qos memlekettiń energetikalyq kompaniialary kómirsýtek ken oryndaryn birlesip igerip, energiia resýrstaryn óńdeýdi, qubyr júiesin keńeitýdi jolǵa qoia bildi.
"Atap aitqanda, „Rosatom“ Qazaqstanǵa iadrolyq otyn tizbeginiń jobalaryn iske asyryp, ýran ónerkásibin damytýǵa tájiribelik turǵydan kómek kórsetip keledi. Mamandarynyń bilim-biligi men tehnikalyq sheshimderi álemde teńdessiz sanalatyn atalmysh memlekettik korporatsiia Qazaqstan tarabymen jańa aýqymdy jobalardy iske asyrýǵa daiyn. Balama, „taza“ energetika salasy men qorshaǵan ortany qorǵaý, klimattyń ózgerýine qarsy kúres baǵyttarynda da yntymaqtastyqtyń jarqyn keleshegi bar", — dedi V. Pýtin.
Ózara ekonomikalyq yntymaqtastyqtyń ózge baǵyttarynda da birqatar perspektivaly salalyq jobalar men bastamalar barshylyq.
"Sonyń ishinde Qazaqstan aýmaǵy arqyly ótetin Soltústik — Ońtústik halyqaralyq kólik dáliziniń shyǵys tarmaǵyn keńeitý jobasyn, „Baiqońyr“ ǵarysh ailaǵynda reseilik „Soiýz-5“ zymyran tasyǵyshyna negizdelgen „Báiterek“ ǵaryshtyq zymyran keshenin qurý jobasyn erekshe atap óter edim", — deidi ol.
Onyń sózine qaraǵanda, Qazaqstan men Reseidiń óńirleri de ózara tiimdi kooperatsiiany nyǵaitýǵa eleýli úles qosyp keledi. Resei Federatsiiasynyń barlyq derlik sýbektileri Qazaqstandaǵy seriktesterimen tikelei bailanys ornatqan: Bul turǵyda energetika, ónerkásip, kólik jáne joǵary tehnologiialar salasyndaǵy jobalardy birge júzege asyryp otyr.
"Dál qazir Ýfada 20-shy mereitoilyq óńiraralyq yntymaqtastyq forýmy ótip jatyr. Onda dástúrli túrde bilik organdarynyń basshylary, zań shyǵarýshylar, ministrlikter men vedomstvolardyń, biznestiń, ǵylymi jáne qoǵamdyq ortanyń ókilderi, iaǵni is júzinde ekijaqty qatynastardy damytý máselelerimen ainalysatyn barlyq adamdar bas qosady. Biz Qasym-Jomart Kemelulymen forým qatysýshylaryna beinebailanys boiynsha úndeý joldaýdy josparlap otyrmyz. Odan bólek, óńiraralyq jáne shekara mańy yntymaqtastyǵynyń aýqymdy baǵdarlamasy ázirlendi. Bul baǵdarlama Resei men Qazaqstan óńirleriniń ári qarai áleýmettik-ekonomikalyq ósýine, halyqtyń ómir súrý sapasyn arttyrýǵa qolaily jaǵdai jasaýǵa baǵyttalǵan 150-ge jýyq birlesken is-shara men jobalardy qamtidy", — dedi ol.
