Astananyń eki turǵyny esirtki quraldaryn taratqany úshin 8 jáne 18 jylǵa deiin bas bostandyǵynan aiyryldy, - dep habarlaidy Dalanews.kz QMA baspasóz qyzmetine siltep.
AQSh-tan esirtki jáne psihotroptyq zattardy halyq tutynatyn taýarlary bar poshta sálemdemeleri túrinde asa iri mólsherde jetkizý faktisin Aegnttiktiń elordalyq departamenti áshkereledi.
Máselen, qyzmettik-izdestirý itin qoldana otyryp, tekserý júrgizý kezinde kedendik baqylaý aimaǵyndaǵy ýaqytsha saqtaý qoimasynda jalpy salmaǵy shamamen 1 kg bolatyn "gashish" esirtki zaty tabylyp, tárkilendi.
Sonymen qatar, sotqa deiingi tergeý barysynda júrgizilgen monitoring nátijeleri "Qazposhta" AQ qalalyq filialdarynyń birinde sol alýshylardyń atyna taǵy bir sálemdemeniń bar ekendigin kórsetti.
Sálemdemede jalpy salmaǵy 7 gramnan asatyn kúshti psihotropty zat – tetragidrokannabinol jáne onyń izomerleri tabyldy. Aiyptalýshylardyń biriniń páterin tintý kezinde esirtki quraldary, sondai-aq oraýysh materialdar men tarazy tabyldy.
Sot sheshimimen istiń eki adam kináli dep tanylyp, ortasha qaýipsizdik koloniiasynda jazasyn ótei otyryp, 8 jáne 18 jyl merzimge bas bostandyǵynan aiyryldy.
Jalpy, jyl basynan beri esirtki kontrabandasy jáne zańsyz ainalymy faktileri boiynsha 116 qylmystyq is tirkelgen. 57,3 kg esirtki tárkilendi. Sonymen qatar, 1,7 kg psihotroptyq zattar, anabolikter (ýly zat) – 206 myń dana jáne "Tropikamid" kóz tamshylary – 1 680 dana tárkilendi.
