Elimizdegi et eksportynyń 55 paiyzy Túrkistan oblysynyń enshisinde
Biyl óńirdegi 807 myń gektar jerge soqa tigen. Onyń, 227 myń geataryna júgeri egilse, 114 myńyna baqsha dániniń tuqymy egilgen. Alynǵan ónim kólemi de joǵary.Biyl, dihandar masaqty daqyldardyń ár gektarynan 18 al, júgeriden ortasha eseppen 48 paiyzdan ónim jinaǵan.
Óz kezeginde Túrkistan oblystyq aýyl sharýashylyǵy basqarmasy basshysynyń mindetin atqarýshy Nurbek Badyraqov toǵyz aida atqarylǵan jumystar jaiynda túsinikteme berdi.
– Aýyl sharýashylyǵy salasy boiynsha 9 aida 273 mlrd teńgeniń ónimi óndirildi. Naqty kólem indeksi 103,8 paiyz qurap, respýblika boiynsha 3-shi oryndy ielendik. Jyl sońyna deiin jospar boiynsha 570 mlrd teńgeniń ónimin óndirý jáne 1 jumysshyǵa shaqqanda 2,1 mln teńgeni quraityn bolady, – dedi basqarma basshysy.
Biyl óńirimizde et eksportynyń da áleýeti artqany baiqalady. Ótken 9 aida óńirde 4600 tonna et óndirilip, kórshi Ózbekstan, Iran jáne BAÁ eksporttalǵan. Bul – respýblika boiynsha eksporttalǵan et ónimderiniń 55 paiyzyn quraidy. Oblys dihandary ozyq tehnologiialardy qoldaný boiynsha da kósh bastap tur. Máselen, respýblikadaǵy jylyjailardyń 77, tamshylatyp sýǵarý ádisiniń 73 paiyzy Túrkistan oblysyna tiesili. Biyl taǵy da 126 gektar jerge qosymsha jylyjai salynyp, jalpy kólemi 1285 gektardan asty. Sondai-aq, tamshylatyp sýǵarý ádisi de 6400 gektarǵa ulǵaiyp, jalpy kólemi 64 myń gektarǵa jetti. Ótken 9 aidyń qorytyndysy boiynsha oblystaǵyaýyl sharýashylyǵy salasyna tartylǵan investitsiia kólemi 10 mlrd teńgeden asyp otyr.
Sóz sońynda Nurbek Badyraqov óńirdegi veterinariia salasyna kóp kóńil bólinetin bolady. Ol úshin arnaiy zań ázirlenip jatqandaryn alǵa tartty.
