«Qolda 3.0» úshinshi kezeńi azamattyq qoǵamnyń tótenshe jaǵdaılarǵa tıimdi den qoıý jáne ótkir áleýmettik máselelerdi sheshý áleýetin jaqsartýǵa kómektesýge baǵyttalǵan.
«Qolda 3.0» baıqaýyna qatysýǵa Shymkent pen Qazaqstannyń 14 oblysynda tótenshe jaǵdaılar kezinde halyqqa kómek kórsetetin, ótkir áleýmettik máselelerdi sheshetin jáne volonterlik qyzmetti damytatyn úkimettik emes uıymdar shaqyrylady.
Elimizdiń aımaqtarynda 2021 jyldyń 15 shildesinen 2022 jyldyń 15 qańtaryna deıingi 6 aılyq merzimdi iske asyrylatyn 15 bastamaǵa deıin qoldaý josparlanýda. Grant jeke jobaǵa nemese ÚEU-nyń aǵymdaǵy
qyzmetin qoldaýǵa bólinedi.
Bólingen qarajat kelesi jumystarǵa jumsalady:
1. Ár túrli zorlyq-zombylyqtyń, ásirese áıelder men balalarǵa qatysty zorlyq-zombylyqtyń aldyn-alý jáne profılaktıkasy (grant mólsheri 5 mln. teńgege deıin);
2. Aımaqtardaǵy tótenshe jaǵdaılar kezinde halyqty aqparattandyrý men qoldaýdyń uzaq merzimdi jáne onlaın sheshimderin ázirleý, aımaqtyq ÚEU-nyń tótenshe jaǵdaılarǵa den qoıý qabiletin arttyrý, aımaqtarda
volonterlikti damytý (grant mólsheri 5 mln. teńgege deıin);
3. Eko-volonterlikke jáne ekologıalyq tárbıege baǵyttalǵan jobalar (grant mólsheri 4 mln. teńgege deıin);
4. Daǵdylar men jumysqa ornalasý múmkindikterin damytý jáne mıkro jáne nano bıznesti bastaý jobalary (grant mólsheri 3 mln. teńgege deıin);
5. Ózekti áleýmettik máselelerdi sheshýge baılanysty advokası jobalaryn qoldaý (grant mólsheri 4 mln. teńgege deıin).
Baıqaýǵa qatysý úshin https://qolda.org/ saıtynda ótinim toltyrý qajet.
Ótinim jiberý merzimi 2021 jyldyń 4 shildesi saǵat 23.00 deıin (Nur-Sultan q. ýaqytymen). Nátıjeler 2021 jyldyń 15 shildesinda jarıalanady.
Suraǵyńyz bolsa myna elektrondyq poshtalarǵa jiberý qajet:
AzharN@ef-ca.org, Aliya@ef-ca.org, https://t.me/Qolda_project.
Eske sala keteıik, baǵdarlamanyń birinshi kezeńi 2020 jyldyń 23 sáýirinde bastalyp, Nur-Sultan men Almaty qalalaryn qamtydy.
Negizgi maqsat - halyqtyń áleýmettik osal toptaryna azamattyq jáne volonterlik uıymdarynyń kómegin úılestirý arqyly karantındik jáne tótenshe jaǵdaılardyń halyqqa teris áserin azaıtý boldy. Baǵdarlamany júzege asyrý barysynda qazaq tilinde pandemıa men karantın týraly sapaly mazmundaǵy materıaldar sany aıtarlyqtaı ósti.
«QOLDA» baǵdarlamasynyń birinshi kezeńiniń granttary (Qolda 1.0) Nur-Sultan men Almaty qalalarynan 11 ÚEU-ǵa, sondaı-aq 7 BAQ-qa berildi. 2020 jyldyń 23 sáýiri men 23 tamyzy aralyǵynda 11 ÚEU 2000-ǵa jýyq muqtaj otbasylaryna kómek kórsetti, shaǵyn jáne orta bıznes ókilderine 1400-den astam konsýltasıalar, 5 dıspanserlik emhanalarǵa 2300 túski jáne keshki as berildi.
2020 jyldyń 9 qarashasynda «QOLDA» shuǵyl kómek baǵdarlamasynyń ekinshi kezeńi (Qolda 2.0) bastaldy. Qazaqstannyń 8 oblysynan 12 ÚEU grant aldy. Úkimettik emes uıymdar Qazaqstannyń 14 aımaǵyndaǵy 27752
benefısıarlarǵa qoldaý kórsetti. 5 194 otbasy gýmanıtarlyq kómek aldy, onyń ishinde az qamtylǵan kóp balaly otbasylar, múgedek balalary bar otbasylar, kómekke muqtaj ardagerler men tyl eńbekkerleri, VICH-pen ómir súretin adamdar, onkologıalyq naýqastar, tolyq emes nemese kóp balaly otbasylardaǵy buryn sottalǵan azamattar.
Áıelder men balalar – zorlyq zombylyq qurbandary, óz-ózine qol jumsaý áreketine barǵan jandar, sýısıdke beıim adamdar, múmkindigi bar balalardyń ata-analary 1788 psıhologıalyq terapıadán ótti. 3 qoǵamdyq ózara kómek qyzmetteri quryldy.
Aıta ketelik "Qolda" shuǵyl kómek baǵdarlamasy Ortalyq Azıanyń Eýrazıa Qory "Shevron" kompanıasymen seriktestikte júzege asyp otyr.
