Ministr aýylda áýpirimdep internetke áreń qosylǵanyn aitty
– Jýyrda Qaraǵandy oblysy Baimyrza aýylynyń turǵyndary maǵan bailanys sapasyna shaǵymdandy. Búgin internetti tekserý úshin osy aýylǵa eki ret soqtym, tańerteń jáne keshke.
Keshki tekseris bailanys sapasynyń tómendigin kórsetti. Tele2 mobildi internetiniń ortasha jyldamdyǵy sekýndyna 0,34 megabit eken. Beeline-ǵa tipti qosyla almadyq, al Kcell-ge áreń qosyldyq – 60 ret jasalǵan talpynystyń 24-i ǵana aqtaldy.
Tele2-niń aýylda ornalasqan bazalyq stansasynda transmissiia retinde radiorelelik qosylys qoldanylady, al eki adym jerde «Qazaqtelekomnyń» talshyqty optikasy jatyr. Jyldamdyqty ólsheý nátijeleri negizinde ákimshilik hattamalar jasaldy, soǵan sáikes olqylyqtardy úsh ai ishinde joiýlary tiis.
Ekinshi másele, mektepte internet bar ma dep suraǵanymda, aýyl ákimi «mobildi internet qoldanady» dedi! Onyń sapasy jaily jańa aitqan bolatynmyn. Osy jerde taǵy qaitalaimyn, aýylǵa optika tartylǵan! Surastyra kele, Bilim basqarmasy mektepke internet qosýǵa ótinim bermegeni belgili boldy.
Desek te, keshke qarai sapardan qaitar jolda estidik, shuǵyl túrde ótinim joldanǵandyqtan, «Qazaqtelekom» jergilikti mektepke 20 megabit/sek jyldamdyqty internet qosyp úlgeripti.
