Aqtolqyn Qulsarieva,
filosofiia ǵylymdarynyń doktory, professor,
UǴA múshe-korrespondenti.
Abai atyndaǵy QazUPÝ-dyń oqý isi jónindegi prorektory
Búginde álemniń ozyq damyǵan otyz eliniń qatarynan óz ornyn nyqtap alǵaly otyrǵan Qazaqstan tek isi qazaqtyń ǵana emes, sonymen qatar, júzden astam ulystyń basy qosylǵan qutty meken. Adam adam bolǵaly jer ústindegi óziniń jumaǵyn izdep keledi. Eldiń ońasha oiǵa kómgen hákimderi, aqylman-oishyldary bolsyn, artyna jurtyn ergizgen kóshbasshylary bolsyn – bári-bári «qoi ústinde boztorǵai jumyrtqalaityn» Jeruiyqty jelmaiamen izdegen armanshyl Asan-qaiǵydai óz eline «malǵa shúigin jeri bar, janǵa jaily eli bar» bolashaq tileitini málim. Áleýmettik kelisim negizinde súttei uiyp otyrǵan, órisi malǵa, qoimasy dánge, úi-ishi janǵa tolyp otyrǵan qazirgi Qazaqstan Jeruiyq emei, nemene?! Túptep kelgende, Jeruiyq dep áleýmettik kelisim negizinde el-jurty beibit rahat ómir súretin, adamgershilik pen baýyrlastyqqa bas urǵan qutty qonysty aitady. Qazaqstandy Jeruiyqqa balaityn nurly bolashaqqa aparar joldyń basym qoǵamdyq qundylyqtary – Birlik, Turaqtylyq, Gúldený.
Halqymyzdyń biik azamattyq rýhy, eljandy tatýlyq qasieti Táýelsiz memleketimizdiń ótken 23 jyldyq tarihi jolynda airyqsha mańyzdy boldy. Táýelsiz damý jyldarynda biz jańa memleket, jańa qoǵam quryp, jahandanǵan dúniede ómir súrip, jumys istei alatyn jańa urpaq tárbieledik. Qazirgi zaman áleýmettik kapital jarysynyń zamany ekeni belgili. Bizdiń Abai atyndaǵy Qazaq Ulttyq pedagogikalyq ýniversitetiniń oqytýshylary men stýdentteri Qazaqstannyń jarqyn bolashaǵy adami kapital bailyǵyna, álemdik básekege qabiletti sapaly mamandar daiarlaýǵa táýeldi ekendigin bile otyryp, osy jolda joǵary oqý oryndary róliniń mańyzy zorlyǵyn túsinedi. Búgingi jastardyń kez kelgeni órshil – ózgeristerden qaimyqpaidy, biik maqsattar úshin ómir súrip, bilim alyp, eńbek etedi. Búgingi stýdent – erteńgi azamat, Qazaq eliniń bolashaǵy. Solardy tolyqqandy tulǵa retinde tárbieleý – oqytýshylar múddesi, qoǵam múddesi.
Qai sózinde bolmasyn ultymyzdyń mańdaiyna bitken baǵy da, kóziniń qarashyǵyndai qorǵashtaýy tiis basty jetistigi de, tý etip ustar uly qundylyǵy da Táýelsizdik ekendigin nyqtap otyratyn Elbasy táýelsizdigimizdiń baiandylyǵyn qamtamasyz etetin sara jol áleýmettik kelisim men yntymaqtan salynatyndyǵyn tereń túsinip qana qoimai, soǵan qoǵamdaǵy barlyq kúshti jumyldyra biledi. Endeshe, áleýmetti álemdik deńgeige jeteleitin negizgi saiasi baǵdarlamalardyń (el damýynyń uzaq merizimdi basymdyqtaryn anyqtaǵan Qazaqstan 2050 Strategiiasy men «Nurly jol» Baǵdarlamasynyń) uiytqysy bolyp otyrǵan Elbasy N. Á. Nazarbaev meriziminen buryn ótkeli otyrǵan Qazaqstan Respýblikasynyń Prezidentin sailaýǵa óz kandidatýrasyn usynsa kópshilik qoldaýyn kórip, halyq yqylasyn ie bolar edi.
Qazaqstan halqyna Prezident sailaýynyń meriziminen buryn ótetindigin habarlaý barysyndaǵy úndeýinde Elbasymyzdyń ózi aityp ketkendei, «Qazaq – tarihi jady myqty, sońyna qarap táýbesin aitqan, jolyna qarap táýekel etken halyq». Endeshe, N.Á. Nazarbaevtyń da «nar táýekel» dep, osy sailaýǵa qatysqanyn qalaǵan qalyń halyqtyń dittegeni oryndalady dep senemiz.
Zeinolla Abajanov
