Eks-mınıstr Qýandyq Bıshimbaevtyń anasy óziniń týysyna qarsy sotqa júginip, ony 1 mıllıon dollardy ıemdendi dep aıyptady, dep habarlaıdy Dalanews.kz.

İs asa iri kólemdegi alaıaqtyq baby boıynsha qaralyp jatyr. Aıyp taǵylǵan áıel óz kinásin moıyndamaıdy. Onyń advokatynyń aıtýynsha, bul – otbasylyq janjal, al talap aryz Núkenova isi boıynsha Bıshimbaevtar otbasyna “kómektesýden” bas tartqannan keıin paıda bolǵan.

Bıshimbaevtyń anasyn qorǵaýshy Erlan Ǵazymjanov SHYNDYK.KZ-ke sot prosesiniń mán-jaıyn aıtyp bergen.

«Tergeý nusqasy boıynsha, 2023 jyldyń jeltoqsanynda Kemelova Qýandyq Bıshimbaevtyń isine baılanysty Nurlybekovanyń aýyr emosıonaldyq kúıin paıdalanyp, oǵan Sybaılas jemqorlyqqa qarsy qyzmettiń bolashaqta tintý júrgizetini týraly oıdan shyǵarylǵan áńgimeni aıtyp, iri kólemdegi aqshany ózine berýge sendirgen», - dedi Ǵazymjanov.

Advokattyń aıtýynsha, sot otyrysy aıyptalýshyǵa aıyptaý aktisi ýaqytynda tabystalmaǵandyqtan keıinge qaldyrylǵan. Kelesi tyńdaý 13 qarashada ótedi. Onda jábirlenýshiden jaýap alý josparlanyp otyr.

«Meniń oıymsha, Kemelova da Gracheva sıaqty ‘jeńil jolmen paıda tabýǵa’ tyrysty. Biraq ony da sol taǵdyr kútip tur dep esepteımin. Eske sala keteıin, Gracheva buǵan deıin Bıshimbaevtar otbasynan 100 mıllıon teńge urlamaq bolǵany úshin 10 jylǵa bas bostandyǵynan aıyrylǵan», - dep atap ótti qorǵaýshy.

Aıta keteıik, aıyptalýshynyń múddesin Núkenova isi boıynsha Bıshimbaevqa qarsy sot prosesinde Núkenovter otbasyn qorǵaǵan sol advokat qorǵap jatyr.